আজি তিনিচুকীয়াৰ দহোটীয়াচুকৰ (Dahotiachuk of Tinsukia) নিৰ্মল ভৱনৰ ভাড়াঘৰৰ পৰা জব্দ কৰা হয় বুজন পৰিমাণৰ ড্ৰাগছ (Drugs seized from rented accommodation)। এক বিশেষ তথ্যৰ ওপৰত ভিত্তি কৰি তিনিচুকীয়াৰ অপৰাধ শাখাৰ অতিৰিক্ত আৰক্ষী অধীক্ষক মইদুল ইছলামৰ নেতৃত্বত তিনিচুকীয়া সদৰ আৰক্ষী থানাৰ ভাৰপ্ৰাপ্ত আৰক্ষী বিষয়া পৰাগজ্যোতি বুঢ়াগোঁহাইৰ সহযোগত চলোৱা অভিযানত বুজন পৰিমাণৰ হিৰ’ইনৰ লগতে এজন যুৱক আৰু দুগৰাকী মহিলা সৰবৰাহকাৰীক আটক (A youth and two women traffickers arrested) কৰিবলৈ সক্ষম হয় ।
সৰবৰাহকাৰীৰ পৰা ১০টাকৈ চাবোনৰ বাকচত ২৫ লাখ টকা বজাৰ মূল্যৰ ১২৫.৫৭ গ্ৰাম হিৰ’ইন জব্দ কৰে। আৰক্ষীয়ে আটক কৰা সৰবৰাহকাৰীটোৰ নাম হৈছে বিকি সিংহা আৰু আন দুগৰাকী মহিলা। আৰক্ষীয়ে উক্ত তিনি সৰবৰাহকাৰীৰ পৰা চাৰিটা মোবাইল ফোনসহ বহু আপত্তিজনক নথি-পত্ৰ জব্দ কৰিবলৈ সক্ষম হয়।
উল্লেখ্য যে, সৰবৰাহকাৰীয়ে হিৰ’ইনখিনি ডিমাপুৰৰ পৰা ৰাজধানী এক্সপ্ৰেছ ৰেলযোগে দুই মহিলাই লৈ আহিছিল তিনিচুকীয়ালৈ। তিনিচুকীয়া, ধেমাজী আৰু অৰুণাচলত বিক্ৰী কৰিবলৈ ডিমাপুৰৰৰ পৰা বিকি সিংহাসহ আন এজনে সৰবৰাহ কৰি আনিছিল তিনিচুকীয়ালৈ। এই ঘটনাৰ সৈতে জড়িত আন এজন বৰ্তমান পলাতক যদিও আৰক্ষীয়ে নিজ অভিযান অব্যাহত আছে ৷
বিগত মাহত তিনিচুকীয়া আৰক্ষীয়ে জিলাখনত চলোৱা ড্ৰাগছ বিৰোধী অভিযানত প্ৰায় ১ কোটি ২০ লাখ টকাৰ ড্ৰাগছৰ লগতে গাঞ্জা জব্দ কৰিবলৈ সক্ষম হৈছিল৷
