আটাছুৰ প্ৰাক্তন সভাপতি মিলন বুঢ়াগোঁহাই (Milan Buragohai) আৰু বিজেপিৰ প্ৰাক্তন অ’বিচি মৰ্চাৰ সভাপতি লাচিত গগৈ (Lachit Gogoi)ৰ মাজত চুপৰি ছিণ্ডিকেট (Supari Syndicate) কাৰ্বি আংলঙৰ মাজেৰে চলোৱাক কেন্দ্ৰ কৰি হোৱা এক ভাইৰেল অডিঅ’ (Viral Audio)ই সমগ্ৰ ৰাজ্যজুৰি তীব্ৰ প্ৰতিক্ৰিয়াৰ সৃষ্টি কৰিছিল আৰু এই ভাইৰেল অডিঅ’ৰ ফলত কাৰ্বি আংলং জিলা আৰক্ষীৰ হাতত গ্ৰেপ্তাৰ হ’ব লগা হৈছিল বিজেপিৰ প্ৰাক্তন নেতা লাচিত বুঢ়াগোহাঁই।
এই অডিঅ’ বাৰ্তালাপত কাৰ্বি আংলং জিলা আৰক্ষী অধীক্ষকগৰাকীক জিলাখনৰ মাজেৰে ছিণ্ডিকেট চলোৱাৰ বাবে ধন প্ৰদান কৰাৰ অভিযোগ উত্থাপন হৈছিল। এই সংক্ৰান্তত কাৰ্বি আংলং জিলা আৰক্ষী অধীক্ষকে ৰুজু কৰা গোচৰ সন্দৰ্ভত যোৱা ২২ তাৰিখে গ্ৰেপ্তাৰ হোৱা লাচিত গগৈক আজি ডিফুৰ ন্যায়িক আদালতে জামিন মঞ্জুৰ (Bail granted by Diphu judicial court) কৰে যদিও খটখটী আৰক্ষী থানাত গগৈৰ বিৰুদ্ধে ৰুজু হৈ থকা আন এটা গোচৰত জামিন লাভ নকৰা বাবে গগৈ মুক্ত আকাশৰ তললৈ আহিবলৈ সক্ষম নহ’ল।
উল্লেখনীয় যে এই গোচৰত মূল অভিযুক্তৰূপে চিহ্নিত হোৱা আটাছু নেতা মিলন বৰগোহাঁই এতিয়াও আৰক্ষীৰ জালৰ পৰা বাহিৰত আছে সম্প্ৰতি বিদেশত আত্মগোপন কৰি আছে মিলন বুঢ়াগোহাঁই আৰু বোকাজানৰ দুগৰাকী সাংবাদিক ৷
