ছত্তীশগড়ত (Chhattisgarh) মহিলাৰ সুৰক্ষা নিশ্চিত কৰাটো চৰকাৰৰ অন্যতম লক্ষ্য। শিশু আৰু মহিলাৰ বিৰুদ্ধে অপৰাধ প্ৰতিৰোধৰ বাবে কঠোৰ ব্যৱস্থা গ্ৰহণৰ কথা ঘোষণা কৰে মুখ্যমন্ত্ৰী ভূপেশ বাঘেলে (Chief Minister Bhupesh Baghel)। মঙলবাৰে স্বাধীনতা দিৱসৰ অনুষ্ঠানত দিয়া ভাষণত বাঘেলে কয় যে শিশু আৰু মহিলাৰ ওপৰত ধৰ্ষণকে ধৰি বিভিন্ন অপৰাধৰ অভিযোগত অভিযুক্তসকলৰ বাবে চৰকাৰী চাকৰিৰ দুৱাৰ বন্ধ (Government job doors closed for rape accused of children and women) থাকিব।
কংগ্ৰেছশাসিত ৰাজ্যখনত চলিত বৰ্ষৰ শেষত বিধানসভা নিৰ্বাচন। ইয়াৰ পূৰ্বে স্বাধীনতা দিৱসৰ অনুষ্ঠানত দিয়া ভাষণত মুখ্যমন্ত্ৰী বাঘেলে কেইবাটাও প্ৰতিশ্ৰুতি দিয়ে।তেওঁ কয় যে তেওঁৰ চৰকাৰে ৰাজ্যত মহিলাসকলৰ সুৰক্ষা নিশ্চিত কৰা, তেওঁলোকৰ সন্মান আৰু মৰ্যাদা ৰক্ষা কৰাত অগ্ৰাধিকাৰ দিছে। ছোৱালী আৰু মহিলাৰ বিৰুদ্ধে ধৰ্ষণ, যৌন নিৰ্যাতন আৰু অন্যান্য অপৰাধৰ অভিযোগত অভিযুক্তসকলক চৰকাৰী সেৱাৰ পৰা নিষিদ্ধ কৰা হʼব বুলি সিদ্ধান্ত লোৱা হৈছে।
উল্লেখযোগ্য যে সমগ্ৰ দেশতে মহিলাৰ ওপৰত হোৱা হিংসাৰ পৰিসংখ্যাত যোৱা কেইবছৰমানৰ পৰা চত্তীশগড়ত কিছু আশাৰ পোহৰ দেখা গৈছে। নেচনেল ক্ৰাইম ৰেকৰ্ডছ ব্যুৰোৰ (এনচিআৰবি) এক অধ্যয়ন অনুসৰি, ২০১৮ চনত মহিলাৰ ওপৰত হোৱা হিংসাৰ ক্ষেত্ৰত ৰাজ্যখনে দেশৰ ভিতৰতে পঞ্চম স্থান লাভ কৰিছিল। কিন্তু ২০২১ চনত ছত্তীশগড় ১১ নম্বৰ স্থানলৈ অৱনমিত হয়।
