ভাৰত চৰকাৰে ৰেʼল আন্তঃগাঁথনি সম্প্ৰসাৰণ আৰু আধুনিকীকৰণৰ লক্ষ্যৰে ভাৰতৰ উত্তৰ-পূবৰ ৰাজ্যসমূহৰ মাজত ৰেʼল সংযোগ আঁচনিৰ অধীনত ১২০ কোটি টকা আবণ্টন (Rs 120 crore allocated) দিছে।ভাৰত-ভূটান ৰে’ল যাতায়াত (Indo-Bhutan rail traffic) এই প্ৰকল্পৰ অধীনত সামৰি লোৱা হৈছে। ভূটান আৰু ভাৰতৰ মাজত এইটোৱেই হʼব প্ৰথম ৰেʼল সংযোগ।
৫৭.৫ কিলোমিটাৰ দৈৰ্ঘ্যৰ এই ৰে’ল সংযোগে অসমৰ কোকৰাঝাৰক ভূটানৰ সৰপাঙৰ গেলফুৰ সৈতে সংযোগ (Kokrajhar is connected to Gelfu of Sarpang, Bhutan) কৰিব। এই প্ৰকল্প কেন্দ্ৰীয় চৰকাৰৰ সম্পূৰ্ণ পুঁজিৰে ১০০ কোটি টকা ব্যয়ৰে নিৰ্মাণ হʼব বুলি আশা কৰা হৈছে। ২০২৬ চনৰ ভিতৰত এই প্ৰকল্পটো সম্পূৰ্ণ হোৱাৰ সম্ভাৱনা আছে।
মাত্ৰ এমাহ পূৰ্বে বৈদেশিক পৰিক্ৰমা মন্ত্ৰী এছ জয়শংকৰে এই ৰে’ল সংযোগক লৈ ভাৰত আৰু ভূটানৰ মাজত চলি থকা আলোচনাৰ ইংগিত দিছিল। এই ৰে’ল সংযোগে বাণিজ্য আৰু পৰ্যটন দুয়োটা দিশতে অসম আৰু ভূটানলৈ প্ৰতিপত্তি কঢ়িয়াই আনিব।
এই ৰে’লৱেই দুয়োখন দেশৰ অৰ্থনৈতিক বিকাশ বৃদ্ধিৰ লগতে দুয়োখন দেশৰ মাজত দ্বিপাক্ষিক সম্পৰ্ক সুদৃঢ় কৰাৰ বাবে সামগ্ৰীৰ ৰপ্তানিৰ সুবিধা প্ৰদান কৰিব।
উল্লেখযোগ্য যে ২০০৮ চনত ভূটান ভ্ৰমণৰ সময়ত তদানীন্তন প্ৰধানমন্ত্ৰী মনমোহন সিঙে নেহৰু সোণালী জয়ন্তী ৰে’ল সংযোগৰ ঘোষণা কৰিছিল। ১৯৫৮ চনত পণ্ডিত জৱাহৰলাল নেহৰুৰ ভূটান ভ্ৰমণৰ ৫০ বছৰীয়া জয়ন্তী উপলক্ষে এই পদক্ষেপ গ্ৰহণ কৰা হৈছিল।
ইয়াৰ পাছতে ২০১৮ চনত ভূটানৰ প্ৰধানমন্ত্ৰীৰ প্ৰথম ভাৰত ভ্ৰমণৰ সময়ত ভাৰত-ভূটান ৰে’লপথৰ পৰিকল্পনাই গতি লাভ কৰে। প্ৰথম অৱস্থাত ভূটানৰ ফুনচলিঙৰ টৰিবাৰীক পশ্চিমবংগৰ হাছিমাৰাৰ সৈতে সংযোগ কৰিবলৈ ১৮ কিলোমিটাৰ ৰে’লপথৰ প্ৰস্তাৱ দিয়া হৈছিল।
২০০৫ চনত ভাৰত আৰু ভূটানে দুয়োখন দেশৰ সীমান্তৱৰ্তী চহৰক একত্ৰিত কৰাৰ বাবে বুজাবুজিৰ চুক্তিত স্বাক্ষৰ কৰে। এই ৰে’ল সংযোগ কাৰ্যকৰী হʼলে ই এক নতুন যুগৰ সূচনা কৰিব।
