অসম-নাগালেণ্ড সীমান্তত পুনৰ উদ্ধাৰ হৈছে বুজন পৰিমাণৰ নিচাযুক্ত হেৰ’ইন (Huge amount of intoxicating heroin recovered)৷ প্ৰাপ্ত খবৰ অনুসৰি এক গোপন খবৰৰ ভিত্তিত বৃহস্পতিবাৰে সন্ধিয়া প্ৰায় ৫-৩০ মান বজাত কাৰবি আংলং জিলাৰ এএছপি (নিৰাপত্তা) জন দাসৰ নেতৃত্বত খটখটী থানা (Khatkhati police Station)ৰ অ’চি ৰমেন বৰদলৈ, চি-20 চিআৰপিএফ আৰু থানা ষ্টাফৰ সহযোগত এক বিশেষ নাকা তালাচী স্থাপন কৰে ৷
তালাচী কালত ডিমাপুৰ দিশৰ পৰা আহি থকা যাত্ৰীবাহী বাছত তালাচী চলাই এগৰাকী মহিলা যাত্ৰীৰ কাপোৰৰ মাজত লুকুৱাই অনা অৱস্থাত চাৰিটা চাবোনৰ বাকচৰ পৰা 47.9 গ্ৰাম সন্দেহযুক্ত হেৰ’ইন উদ্ধাৰ (47.9 gm suspected heroin recovered) কৰিবলৈ সক্ষম হয়৷
এই সন্দৰ্ভত আৰক্ষীয়ে লক্ষীমপুৰ জিলাৰ নাৰায়ণপুৰৰ পৱিত্ৰ দাসৰ পত্নী পাপৰি দাস (Papori Das) (২৫) আৰু লক্ষীমপুৰ জিলাৰ লালুক থানাৰ অন্তৰ্গত নিৰ্মল চদ্ৰ নেওগৰ পুত্ৰ প্ৰিতম প্ৰকাশ নেওগ (Pritam Prakash Neog)(৩৪)ক আটক কৰে আৰক্ষীয়ে৷ হেৰইনখিনি নিৰপেক্ষ সাক্ষীৰ সাক্ষাতে জব্দ কৰি এই সন্দৰ্ভত তদন্ত অব্যাহত ৰখা হৈছে বুলি আৰক্ষীৰ এটা সুত্ৰত প্ৰকাশ৷
