সোণালী জয়ন্তী বৰ্ষৰ কাৰ্বি যুৱ মহোৎসৱলৈ ৰাষ্ট্ৰপতিক আনুষ্ঠানিকভাৱে নিমন্ত্ৰণ জনাবলৈ দিল্লীলৈ ৰাওনা হৈছে কাৰ্বি আংলং স্বায়ত্ত পৰিষদৰ মুখ্য কাৰ্যবাহী সদস্য তুলিৰাম ৰংহাং।
কাৰ্বি যুৱ মহোৎসৱৰ সোণালী জয়ন্তীৰ কাৰ্যসূচীত মুখ্য অতিথি হিচাপে উপস্থিত থাকিব ৰাষ্ট্ৰপতি দ্ৰুপদী মূৰ্মু। ৰাজ্যৰ মুখ্যমন্ত্ৰী ড০ হিমন্তবিশ্ব শৰ্মাৰ উপৰি নাগালেণ্ড আৰু মেঘালয়ৰ মুখ্যমন্ত্ৰী দ্বয়েও মহোৎসৱটিত উপস্থিত থকাৰ বাবে ইতিমধ্যে সন্মতি প্ৰদান কৰিছে।
১২ ৰ পৰা ১৯জানুৱাৰীলৈ অনুষ্ঠিত হ’বলগীয়া যুৱ মহোৎসৱ উদ্যাপনৰ বাবে যুদ্ধকালীন প্ৰস্তুতি অব্যাহত আছে।দেওবাৰে কাৰ্বি আংলং স্বায়ত্তশাসিত পৰিষদৰ বৰজান সমষ্টিত আয়োজিত এক সমাৱেশত অংশ লৈ এই কথা উল্লেখ কৰে কাৰ্বি পৰিষদৰ মুখ্য কাৰ্যবাহী সদস্য তুলিৰাম ৰংহাঙে।
উল্লেখ্য যে,’২৪ৰ লোকসভা নিৰ্বাচনক কেন্দ্ৰ কৰি পৰিষদখনৰ সমষ্টিয়ে সমষ্টিয়ে অব্যাহত আছে প্ৰচাৰ অভিযান।বিধান সভাৰ উপাধ্যক্ষ নোমল মমিন, কাৰ্বি আংলঙৰ বিধায়কসকলেও সমাৱেশত অংশ গ্ৰহণ কৰে ৷
