জেকলিন ফাৰ্নাণ্ডেজৰ (Jacqueline Fernandez) বিচ্ছিন্ন প্ৰেমিক (alienated lover) সুকেশ চন্দ্ৰশেখৰ (Sukesh Chandrashekhar) বিগত দুবছৰ ধৰি ধন আত্মসাতৰ গোচৰত কাৰাগাৰত বন্দী হৈ আছে। বৰ্তমান তেওঁ দিল্লীৰ মণ্ডোলী কাৰাগাৰত বন্দী হৈ আছে। কিন্তু জে’লত থকা অৱস্থাতে জেকলিনক অহৰহ ভাবুকি (Jacqueline’s desperate threat) দি আছে তেওঁ।
যাৰ বাবে জেকলিন আতঙ্কিত হৈছে। নিজৰ সুৰক্ষাক লৈ চিন্তিত অভিনেত্ৰীগৰাকী। এইবাৰ তেওঁ সুকেশৰ বিৰুদ্ধে দিল্লী আৰক্ষী আয়ুক্ত সঞ্জয় অৰোৰাৰ ওচৰত লিখিত অভিযোগ (A written complaint against Sukesh with Delhi Police Commissioner) দাখিল কৰে। তেওঁৰ অভিযোগৰ ভিত্তিত দিল্লী আৰক্ষীৰ এটা বিশেষ দলে প্ৰাথমিক তদন্ত আৰম্ভ কৰিছে।
উল্লেখযোগ্য যে ‘কিক’ খ্যাত অভিনেত্ৰীগৰাকীয়ে এসময়ত কনমেন সুকেশৰ প্ৰেমত পৰিছিল। সম্পৰ্কৰ সময়ত সুকেশৰ পৰা তেওঁ লাভ কৰিছিল কেইবাটাও দামী উপহাৰ। সুকেশৰ সৈতে জড়িত থকাৰ বাবে জেকলিনে কেইবাবাৰো বিতৰ্কৰ সন্মুখীনো হৈছে। জালিয়াতিৰ গোচৰৰ তদন্তৰ সময়ত অভিনেত্ৰীগৰাকীয়ে কেইবাবাৰো আদালতত হাজিৰ হ’বলগীয়া হৈছিল। কেৱল সেয়াই নহয়, বিদেশ ভ্ৰমণতো নিষেধাজ্ঞা আৰোপ কৰা হৈছিল অভিনেত্ৰীগৰাকীক। উক্ত নিষেধাজ্ঞা যোৱা বছৰ উঠাই লোৱা হয়।
জেকলিনে যিমানেই সম্পৰ্কটোক অস্বীকাৰ নকৰক কিয়, সুকেশ কোনো প্ৰকাৰে তেওঁক শান্তিত থাকিবলৈ দিয়া নাই । জেলত বহি থকা অৱস্থাতে তেওঁ অভিনেত্ৰীগৰাকীলৈ অহৰহ প্ৰেমপত্ৰ লিখিছিল। সেই কথাত জেকলিন বিব্ৰত হৈছে। সুকেশৰ প্ৰেমপত্ৰবোৰত কেতিয়াবা প্ৰেমৰ কথা, কেতিয়াবা প্ৰচণ্ড ভাবুকিও আছিল। অৱশেষত অভিনেত্ৰীগৰাকীয়ে দিল্লী আৰক্ষীৰ কাষ চাপি সুকেশৰ বিৰুদ্ধে তাৎক্ষণিক ব্যৱস্থা গ্ৰহণ কৰা আৰু তেওঁৰ সুৰক্ষা নিশ্চিত কৰাৰ বাবে আবেদন কৰে।
