পশ্চিম গোলাঘাট (West Golaghat) শিক্ষা খন্ডৰ অধীনত বোকাখাত (Bokakhat)ৰ ম’হমাইকী গাঁও পঞ্চায়তৰ অন্তৰ্গত ১ নং গাৰোপাৰা প্ৰাথমিক বিদ্যালয়খনৰ (No.1 Garopara Primary School) এতিয়া তেনেই শোচনীয় অৱস্থা (Miserable condition)। ১৯৯২চনত স্থাপন হোৱা বিদ্যালয়খনৰ বৰ্তমান ছাত্র ছাত্রীৰ সংখ্যা ৩৮গৰাকী। শিক্ষয়িত্ৰী মাত্র এগৰাকী। ছাত্র ছাত্রীৰ ৮০ শতাংশ গাৰো জনজাতিৰ। অৱশ্যে কম সংখ্যক চাহ জনগোষ্ঠীৰ ছাত্ৰ ছাত্ৰীও আছে।
আশ্চর্যজনকভাৱে শিক্ষকৰ পদটো চৰকাৰীকৰণ হ’ল যদিও স্কুলখনৰ ভৱনটো গ্ৰাণ্ট নোহোৱাৰ বাবে বিদ্যালয়গৃহ বাঁহেৰে নিৰ্মিত বেৰৰে ভগাছিগা হৈ আছে৷ কোনো শৌচাগাৰ নাই। বিগত বৰ্ষৰ পৰা চৰকাৰে মধ্যাহ্ন ভোজন বন্ধ কৰি দিয়া বুলি জানিব পৰা গৈছে। বিদ্যালয়খনৰ দুবিঘা মাটি আছে, কিন্তু চৌহদৰ বেৰা নাই। স্থানীয় ৰাইজে বিদ্যালয়খন পকীকৈ নিৰ্মাণ কৰিবলৈ দাবী জনাইছে।
