ASSAM TIMES POST
নগাঁও : সমগ্ৰ দেশৰ লগতে নগাঁৱতো আজিৰ পৰা আৰাম্ভ হৈছে পথ সুৰক্ষা সপ্তাহ । আজি নগাঁও আৰক্ষী নিৱেশৰ সভা গৃহত এই উপলক্ষে অনুষ্ঠিত সভাত অংশ গ্ৰহণ কৰি নগাঁও জিলা উপায়ুক্ত যাদৱ শয়কীয়াই পথসুৰক্ষা সপ্তাহৰ তাৎপৰ্য ব্যাখ্যা কৰি কয়যে, যান বাহন চলাওঁতে সকলোৱে যান বাহন আইন মানি চলা উচিত ।
পথ দূৰ্ঘটণাৰ পৰা হাত সাৰিবলৈ যান বাহন চলোৱা সময়ত চালককে ধৰি সংশ্লিষ্ট সকলো সতৰ্ক থাকিব লাগিব । সভাত অংশ গ্ৰহন কৰি নগাঁও জিলা আৰক্ষী অধীক্ষক শংকৰ ব্ৰত ৰায় মেধিয়ে কয়যে, নৱ প্ৰজন্মৰ মাজত পথ সুৰক্ষাৰ সম্পৰ্ক সৃষ্টি কৰিব পাৰিলেহে পথ দূৰ্ঘটণা ৰোধ কৰিব পৰা যাৱ । এই ক্ষেত্ৰত সংশ্লিষ্ট সকলোৱে প্ৰচেষ্টা চলাৱ লাগিব ।
নগাঁও জিলা পৰিবহন বিভাগৰ ভাৰ প্ৰাপ্ত পৰিবহন বিভাগৰ বিষয়া ৰঞ্জিত বৰুৱাৰ সঞ্চালনাত অনুষ্ঠিত সভাত অতিৰিক্ত আৰক্ষী অধীক্ষক মোহনলাল মিনাৰ লগতে জিলা পৰিবহন বিভাগৰ বিষয়া কৰ্মচাৰী , নগাঁও আৰক্ষী বিষয়া- কৰ্মচাৰী, যান বাহন শাখাৰ আৰক্ষী , বিশিষ্ট নগৰিক , ছাত্ৰ ছাত্ৰী আদিয়ে অংশ গ্ৰহন কৰে । সভাৰ অন্তত পথ সুৰক্ষাৰ সজাগতা সৃষ্টিৰ বাবে নগাঁও চহৰত পৰিবহন বিভাগ আৰু আৰক্ষী বিভাগৰ উদ্যোগত এক শুভাযাত্ৰাও উলিওৱা হয় ।
