ঘৰ উত্তৰাখণ্ডৰ হালদাৱানী (Haldwani in Uttarakhand)ত। কাকো নজনোৱাকৈ দিল্লী অভিমুখী ৰে’লত উঠে দশম শ্ৰেণীৰ এগৰাকী ছাত্ৰী (class X student)য়ে। ৰে’লত পাঁচজন যুৱকৰ লগত বন্ধুত্ব গঢ়ি উঠে। অভিযোগ অনুসৰি, যুৱককেইজনে কিশোৰীগৰাকীক লগত লৈ গৈ দিল্লীৰ এখন হোটেল (hotel in Delhi)ত উপস্থিত হয়। অভিযোগ অনুসৰি, সেই হোটেলতে তেওঁক দলবদ্ধ ধৰ্ষণ (Gang rape at hotel) কৰা হয়। কিশোৰীগৰাকীৰ পৰিয়ালৰ অভিযোগৰ ভিত্তিত দিল্লী আৰক্ষীয়ে ৫ অভিযুক্তক গ্ৰেপ্তাৰ (5 accused arrested) কৰিছে।
দিল্লী আৰক্ষীৰ সূত্ৰ অনুসৰি, যোৱা ৪ অক্টোবৰত স্কুলৰ পৰা উভতি অহাৰ পথত সন্ধানহীন হৈছিল কিশোৰীগৰাকী। তেওঁৰ পিতৃয়ে স্থানীয় আৰক্ষী থানাত নিৰুদ্দেশৰ গোচৰ দাখিল কৰে। উক্ত অভিযোগ পোৱাৰ পিছত আৰক্ষীয়ে কিশোৰীগৰাকীৰ অনুসন্ধান অভিযান আৰম্ভ কৰে। তদন্তত আৰক্ষীয়ে গম পায় যে তেওঁক অন্তিমবাৰৰ বাবে হালদাৱানী ষ্টেচনত দেখা গৈছিল। আৰক্ষীয়ে তাৰ চিচিটিভিৰ ফুটেজ পৰীক্ষা কৰি গম যায় যে তেওঁ দিল্লীলৈ যোৱা ৰে’লত উঠিছে। সেই সূত্ৰৰ ভিত্তিত আৰক্ষীয়ে তদন্তৰ কাম আগবঢ়াই লৈ যায়।
তাৰ পিছত হালদাৱানী আৰক্ষীয়ে দিল্লী আৰক্ষীৰ সৈতে যোগাযোগ কৰি সন্ধান আৰম্ভ কৰে। দিল্লী ষ্টেচনৰ আশেপাশে থকা চিচিটিভি ফুটেজ পৰীক্ষা কৰা হয়। তেতিয়া দেখা যায় যে পাঁচজন যুৱক আৰু ছোৱালীজনী গাড়ীত গৈ আছে। তাৰ আধাৰতেই আৰক্ষীয়ে গাড়ীখন উদ্ধাৰ কৰে।
আনহাতে, চালকজনে ছোৱালীজনীক নমাই দিয়া অঞ্চলটোও আৰক্ষীয়ে চিনাক্ত কৰে। ইয়াৰ পিছত হোটেলখনৰ সন্ধান লাভ কৰে। হোটেলৰ পৰা ছোৱালীজনীক উদ্ধাৰ কৰি হালদাৱানীলৈ অনা হয়। তাত তেওঁৰ কাউন্সেলিঙৰ সময়তে পোহৰলৈ আহে দলবদ্ধ ধৰ্ষণৰ বিষয়টো। ইয়াৰ পিছত হালদাৱানী আৰক্ষীয়ে পুনৰ দিল্লী আৰক্ষীৰ সৈতে যোগাযোগ কৰে। দিল্লী আৰক্ষীয়ে পুনৰ হোটেলখনলৈ গৈ পাঁচজন যুৱকক গ্ৰেপ্তাৰ কৰে। জানিব পৰা মতে, ধৃতসকলৰ ভিতৰত তিনিজন মহাৰাষ্ট্ৰৰ আৰু দুজন দিল্লীৰ।
