শণিবাৰে দিনৰ প্ৰায় ১২ মান বজাত ডিলাইত বৃহৎ পৰিমানৰ অবৈধ বাৰ্মিজ চুপাৰি ভৰ্তি টাটা টিপাৰ জব্দ কৰাৰ লগতে দুটা সৰবৰাহকাৰী জব্দ কৰিবলৈ সক্ষম হয় ডিলাই আৰক্ষীয়ে৷ ২৯নং ৰাষ্ট্ৰীয় ঘাই পথৰ ডিলাই তিনি আলিত নিয়মীয়া নাকা তালাচীত উদ্ধাৰ কৰা হয় চুপাৰিখিনি ৷
প্ৰাপ্ত খবৰ অনুসৰি সৰবৰাহকাৰীয়ে AS01 PC 9056 ছয়চকীয়া টাটা টিপাৰ গাড়ীখনত ১৫ টা বস্তাত লুকুৱাই সৰবৰাহৰ চেষ্টা কৰিছিল উক্ত শুকান অবৈধ বাৰ্মিজ চুপাৰিখিনি ৷
চুপাৰিখিনি সৰবৰাহ কৰাৰ লগত জড়িত থকাৰ বাবে আৰক্ষীয়ে মৰিগাওঁ জিলাৰ লাহৰিঘাট থানা এলেকাৰ বৰবৰি চাৰিআলিৰ নুৰুল ইছলামৰ পুত্ৰ আনোৱাৰ হুছেইন আৰু হোজাই জিলাৰ ডবকা অঞ্চলৰ তপতজুৰিৰ লোকমান আলিৰ পুত্ৰ ফিৰোজ আলিক আটক কৰি অধিক তথ্যৰ বাবে জেৰা অব্যাহত ৰাখিছ্ বুলি জানিব পৰা গৈছে ৷
