শণিবাৰে ২ বজাত ডিফুত সফল সামৰণি পৰে ভাষা গৌৰৱ সপ্তাহৰ কাৰ্যসূচী ৷ যোৱা ৩ নৱেম্বৰৰ পৰা জিলাখনত ভাষা গৌৰৱ সপ্তাহ উদযাপন সমিতিৰ উদ্যোগত উদযাপন কৰা হৈছিল ভাষা গৌৰৱ সপ্তাহ ৷ শনিবাৰে ডিফুৰ চাৰছিং টেৰণ টাউন মেম’ৰিয়েল হলত অনুষ্ঠিত কৰা হয় ভাষা গৌৰৱ সপ্তাহৰ সামৰণি অনুষ্ঠানৰ ৷ভাষা গৌৰৱ সপ্তাহত জিলাখনৰ ২২গৰাকী শিল্পী সাহিত্যিকক অসমীয়া ভাষা সাহিত্যলৈ বিশেষ অৱদান আগবঢ়াই অহাৰ বাবে জনোৱা হয় সম্বৰ্ধনা৷
নিজৰ ভাষণত জিলা আয়ুক্ত গৰাকীয়ে কয় যে কবি সকলে নিজৰ কল্পনাক আৰু বাস্তৱ অভিজ্ঞতাক শব্দৰ মুকুতা মালাৰে কবিতা সৃষ্টি কৰে ৷ অসমীয়া ভাষাই ধ্ৰুপদী ভাষাৰ মৰ্য্যদা লাভ কৰাৰ লগে লগে আমাৰ জনজাতীয় ভাষা সমূহেও আগবাঢ়ি যোৱাৰ এক প্ৰেৰণা লাভ কৰিছে৷
ভাষা গৌৰৱ সপ্তাহ উপলক্ষে কবি সন্মীলনৰ লগতে একাংশ বিদ্যালয়ত কৰা হয় সাহিত্যৰ অনুষ্ঠান ৷ ইফালে শনিবাৰৰ সামৰণি অনুষ্ঠানত মুখ্য অতিথিৰূপে KAACৰ অধ্যক্ষ ৰাজু তিচ’৷ নিৰ্দিষ্ট বক্তা হিচাপে বিশিষ্ট কবি ধনেশ্বৰ ইংতি আৰু বিশিষ্ট লেখক সাংবাদিক পবিত্ৰ বৰা উপস্থিত থাকে ৷ একেদৰে অতিথিৰূপে উপস্থিত থাকে KAACৰ দুগৰাকীকৈ EMআৰু MAC৷
