ASSAM TIMES POST
ডিফুঃ সমগ্ৰ দেশৰ লগত সংগতি ৰাখি পাহাৰীয়া জিলাৰ সদৰ চহৰ ডিফুত উদযাপন কৰা হয় স্বাধীনতা সংগ্ৰামী নেতাজী সুভাষ চন্দ্ৰ বসুৰ ১২৪ সংখ্যক জন্মজয়ন্তী৷ এই উপলক্ষে নেতাজী কনছাইন্স কো’ অৰ্ডিনেছন ছ’চাইটিৰ উদ্যোগতডিফুৰ আৱৰ্তভৱনৰ সন্মূখত থকা নেতাজীৰ প্ৰতিমূৰ্তিত মাল্যাৰ্পন আৰু শ্ৰদ্ধাঞ্জলী জ্ঞাপন কৰে ৷ উক্ত কাৰ্যসূচীত ছাত্ৰ-ছাত্ৰীৰ লগতে জ্যেষ্ঠ নাগৰিক আৰু গণ্য মান্য ব্যক্তি উপস্থিত থাকে৷
ইয়াৰোপৰি চহৰখনৰ হৰিলাল বস্তি কালী মন্দিৰ প্ৰাংগণতো নেতাজীৰ জন্মজয়ন্তী পালন কৰা হয় ৷ এইলৈ পতাকা উত্তোলন কৰে গমণ মেধি আৰু সজল দেৱে ৷ ইয়াৰোপৰি নেতাজীৰ প্ৰতিমূৰ্তিত মাল্যাৰ্পণ কৰে ক্ৰমে, আব্দুল কৰিম লষ্কৰ আৰু টিকেন দেৱৰায়ে ৷ তেওঁলোকক মন্দিৰ কমিটিৰ অনান্য সদস্য সকলে অনুসৰণ কৰে৷
ইয়াৰ পিছত ছাত্ৰ-ছাত্ৰী সকলৰ মাজত বিভিন্ন প্ৰতিযোগিতা অনুষ্ঠিত কৰি বঁটা বিতৰণ কৰা হয়৷ আনহাতে সন্ধিয়াৰ ভাগত ডিফু ফৰেইন মাৰ্কেটৰ ব্যৱসায়ী সকলেও নেতাজী গৰাকীৰ জন্মদিনৰ কেক কাটি মমবাতি প্ৰজলন কৰি গভীৰ শ্ৰদ্ধাঞ্জলী জ্ঞাপন কৰে৷ ডিফু নগৰ আৰক্ষী চকীৰ ভাৰপ্ৰাপ্ত বিষয়া মনজিৎ তেৰাঙে কেক কাটি ব্যৱসায়ী সকলক প্ৰেৰণা যোগায়৷
