কেন্দ্ৰীয় গৃহমন্ত্ৰী অমিত শ্বাহ (Home Minister Amit Shah)ৰ ইউনিফৰ্ম চিভিল কোড (Uniform Civil Code) অৰ্থাৎ অভিন্ন দেৱানী বিধি সন্দৰ্ভত এক ডাঙৰ ঘোষণা। তেওঁ কয়, “ভাৰতৰ গণতন্ত্ৰ এনেদৰে প্ৰতিষ্ঠা কৰা হৈছে, যিটো আন বহু দেশৰ ভাগ্যত নাই। বিগত ৭৫ বছৰত বহু দেশ স্বাধীন হৈছে, কিন্তু গণতন্ত্ৰ ফুলি উঠা নাই। আমি যিদৰে আমাৰ গণতন্ত্ৰক শক্তিশালী কৰি তুলিছো সেয়া সঁচাকৈয়ে এক অনন্য উদাহৰণ। আমি কোনো ধৰণৰ ৰক্তপাত নোহোৱাকৈয়ে বহুত পৰিৱৰ্তন আনিছো।”
অমিত শ্বাহে লগতে কয়, “ভাৰতৰ মানুহে নিজৰ গণতান্ত্ৰিক অধিকাৰ ব্যৱহাৰ কৰি বহু একনায়কত্ববাদীৰ অহংকাৰ ভংগ কৰিছে। ইয়াৰ জৰিয়তে আমি প্ৰমাণ কৰিছো যে গণতন্ত্ৰৰ পথত আমাৰ খোজত কোনো বাধা নাই।”
ভাৰতৰ অৰ্থনৈতিক সফলতা সন্দৰ্ভত শ্বাহে কয়, “বহুতে কৈছিল যে ভাৰত কেতিয়াও অৰ্থনৈতিকভাৱে স্বাধীন নহ’ব, কিন্তু আজি আমি পঞ্চম বৃহত্তম অৰ্থনীতি। আমি আনকি ব্ৰিটেইনকো অতিক্ৰম কৰিছো। আমাৰ সংবিধান আৰু জনসাধাৰণে সেই আশংকাবোৰৰ শক্তিশালী উত্তৰ দিছে।”
অমিত শ্বাহে লগতে কয় যে বিজেপি চৰকাৰে প্ৰতিশ্ৰুতিবদ্ধ যে আমি প্ৰতিখন ৰাজ্যতে (Every states) একেধৰণৰ নাগৰিক সংহিতা প্ৰৱৰ্তন কৰিম (Will introduce the Citizen’s Code)। কংগ্ৰেছক আক্ৰমণ কৰি তেওঁ কয়, “মুছলমান ব্যক্তিগত আইন সম্পৰ্কে কংগ্ৰেছে আপোচ কৰা ৰাজনীতি দেশৰ বাবে ক্ষতিকাৰক। মই বিচাৰো যে তেওঁলোকে নিজৰ স্থিতি স্পষ্ট কৰক।”
শ্বাহে লগতে কয়, “আমি কোনো কাৰণতে ধৰ্মৰ ভিত্তিত সংৰক্ষণৰ অনুমতি নিদিওঁ। বিজেপি যদি সংসদৰ একমাত্ৰ সদস্যও হয়, ধৰ্মৰ ভিত্তিত সংৰক্ষণৰ অনুমতি নিদিওঁ।”
ৰাজ্যসভাত এই বিতৰ্কৰ শেষত অমিত শ্বাহে ঐক্য গঢ়াত চৰ্দাৰ পেটেলৰ অৱদানৰ বিষয়ে কয়। তেওঁ কয়, “ভাৰতৰ ঐক্যৰ প্ৰতি চৰ্দাৰ পেটেলৰ অৱদান অমূল্য। তেওঁ ভাৰতৰ বিভিন্ন ৰাজ্যসমূহক যিদৰে একত্ৰিত কৰিছিল সেয়া চিৰদিনৰ বাবে স্মৰণীয় হৈ থাকিব।”
