ডিফু তাৰালাংচৰ লক্ষ্যাধিক ভক্ত প্ৰাণৰ অংশ গ্ৰহণেৰে কাৰ্বি সকলৰ প্ৰাচীনতম ধৰ্ম আৰণবাৰিম চিংৰুম আমেই সভাত মুখ্যমন্ত্ৰীৰ সম্বোধন ৷ সম্বোধন কৰিয়েই মুখ্যমন্ত্ৰীয়ে দুদিনীয়া ব্যস্ততম কাৰ্যসূচী সামৰি গুৱাহাটীলৈ উৰা মাৰে ৷
মুখ্যমন্ত্ৰী ড° হিমন্ত বিশ্ব শৰ্মাই আজি ডিফুৰ তাৰালাংচ’ৰ কাৰবি পিপুলচ হলত অনুষ্ঠিত কাৰবি আৰণ বাৰিমৰ আৰ্মুৰ চিংৰুম আমেইৰ বিশাল জনসমাবেশত অংশগ্ৰহণ কৰি নতুন প্ৰজন্মক কাৰবি ধৰ্মীয় পৰম্পৰা . সংস্কৃতি বৰ্তাই ৰখাৰ আহৱান জনায় ৷ লক্ষ্যাধিক লোকৰ উপস্থিতিত সম্পন্ন হোৱা ধৰ্মীয় সভাখনত তেওঁ কয় যে আমেৰিকা বা আন বিদেশী ৰাষ্ট্ৰৰ পৰা আহি কোনোবাই আমাক ভাল ভাল কথা ক’লেই আমি নিজৰ ভৰিৰ তলৰ মাটি হেৰুৱাই আনৰ ধৰ্মীয় বিশ্বাস বা সংস্কৃতি গ্ৰহণ নকৰো ৷ কাৰণ কাৰবি সংস্কৃতি ৫ হাজাৰ বছৰ পুৰণি আৰু তাক জীয়াই ৰখাটো নতুন প্ৰজন্মৰ দায়িত্ব বুলি তেওঁ কয় ৷
কাৰবি আৰমবাৰিমৰ ( হিন্দু / সংহাৰী ) সভাত এহেজাৰ শিল্পীয়ে প্ৰদৰ্শন কৰা নৃত্যক তেওঁ গুৱাহাটীত প্ৰদৰ্শনৰ বাবে নিব বুলি ঘোষণা কৰাৰ লগতে মুখ্যমন্ত্ৰীয়ে কাৰবি সকলৰ ৰংকেৰ ১০০ টা ৰংকেৰ পূজা স্হলী নিৰ্মাণৰ বাবে ধন দিয়া ; সকলো কাৰবি পূজাৰীক ১০ হাজাৰ টকাকৈ এককালীন সাহাৰ্য্য দিয়া আৰু কাৰবি থিয়লজিকেল কলেজ নিৰ্মাণৰ বাবে ১০ কোটি টকা দিব বুলি সভাত ঘোষণা কৰে ৷
সংবাদ মাধ্যমৰ আগত মুখ্যমন্ত্ৰীয়ে কয় যে কালি তেওঁ কেইবাটাও উন্নয়নমূলক প্ৰকল্প উদ্ধোধন কৰিলে ৷ অংগনৱাৰী কৰ্মী সকলৰ লগত আলোচনা , বিভিন্ন দল-সংগঠনৰ লগত আলোচনা কৰাৰ বিষয়ে কয় ৷ সোনকালে সৈনিক স্কুল ; ভেটেনেৰী কলেজ ; এগৰিকালচাৰ কলেজ আৰু কেনচাৰ হস্পিতাল মুকলি হ’ব বুলি তেওঁ কয় ৷ ৷
আজি পুৱা মুখ্য সচিব আৰু অসম চৰকাৰৰ আন আন বিষয়া সকলৰ লগত এখন বিভিউ মিটিং কৰাৰ বিষয়েও তেওঁ সংবাদ মাধ্যমক অৱগত কৰে ৷পঞ্চায়ত নিৰ্বাচন সন্দৰ্ভত মুখ্যমন্ত্ৰীয়ে কয় যে বিজেপি ৩৫ খন জিলা পৰিষদত আৰু অসম গণ পৰিষদ ২ খন জিলা পৰিষদৰ আসনত বিনা প্ৰতিদন্দিতাৰে নিৰ্বাচিত হৈছে ৷ ২৮০ টা আঞ্চলিক পঞ্চায়তত বিনা প্ৰতিদন্দিতাৰে নিৰ্বাচিত হৈছে ৷ কংগ্ৰেছে বহু আসনত প্ৰাৰ্থী দিব পৰা নাই ৷
কাৰবি আংলং জিলাত অনা কাৰবি সকলৰ ট্ৰেডিং লাইচেঞ্চ আৰু মটিৰ পট্ৰাৰ সমস্যাৰ সন্দৰ্ভত সুধা প্ৰশ্নৰ উত্তৰত তেওঁ সেয়া অন লাইনত হয় আৰু পৰিষদে ১ লাখ লোকক পট্টা দিয়া বুলি কয়৷আনহাতে পঞ্চায়ত নিৰ্বাচনত এইবাৰ সংখ্যালঘু এলেকাতো ভালদৰে বিজয়ী হব বুলি কয় মুখ্যমন্ত্ৰী গৰাকীয়ে ৷
