বুধবাৰে দিনৰ ১ বাজি ৩০ মিনিটত ডিফু ফাৰ্মাৰ্চ এণ্ড গ্ৰ’থ চেণ্টাৰত পূৱ কাৰ্বি আংলং জিলা বিজেপিৰ উদ্যোগত ১৯৭৫ চনত তদানীন্তন ইন্দিৰাগান্ধী নেতৃত্বাধীন কংগ্ৰেছ চৰকাৰৰ শাসন কালত জনতাৰ ওপৰত জাপি দিয়া জৰুৰী কালীন অৱস্থাৰ দিনটোত আজি ৫০ বছৰীয়া ক’লা দিৱস হিছাপে পালন কৰে ৷
এইলৈ ডিফু ফাৰ্মাৰ্চ এণ্ড গ্ৰ’থ চেণ্টাৰত জৰুৰী কালীন অৱস্থাত জনতাৰ ওপৰত কংগ্ৰেছে অত্যাচাৰ আৰু নিপিড়ণৰ ফটো আৰু তথ্য চিত্ৰৰ এক প্ৰদৰ্শীনৰো আয়োজন কৰে জিলা বিজেপিয়ে ৷ ইয়াৰ পাছতে ক’লা দিৱস উপলক্ষে আয়োজন কৰা হয় এক মুকলি সভাৰ ৷ মুকলি সভাত মুখ্য অতিথি হিছাপে উপস্থিত হোজাই বিধান সভা সমষ্টিৰ বিধায়ক ৰামকৃষ্ণ ঘোষ, পৰিষদৰ চিইএম তুলিৰাম ৰংহাঙ, সাংসদ অমৰছিং তিচো, বিধায়ক বিদ্যাছিং ইংলেঙ, পূৱ কাৰ্বি আংলং জিলা বিজেপিৰ সভাপতি ৰলেণ্ড কিলিঙ আৰু বিজেপিৰ কৰ্ম কৰ্তা সকল ৷
