হায়দৰাবাদৰ পৰা কৰ্ণাটকৰ হুবল্লীলৈ যোৱা পথত (Road to Huballi) মাজ আকাশত সংঘটিত হয় এক দুৰ্ঘটনা (Accident)। দেওবাৰে প্ৰায় চাৰি ঘণ্টা ধৰি এখন ফ্লাই৯১ বিমান (Fly 91 airplane) আকাশত ঘূৰি ফুৰিবলগা হয়। সংবাদ মাধ্যম পিটিআইৰ সূত্ৰৰ উদ্ধৃতি মতে, বেয়া বতৰৰ বাবে বিমানখন অৱতৰণ কৰাত বাধাৰ সন্মুখীন হয়। অৱশ্যে আন একাংশ সূত্ৰই দাবী কৰিছে যে বিমানখনত যান্ত্ৰিক বিজুতি ঘটে। ইয়াৰ বাবে পাইলটে বিমানখন অৱতৰণ কৰাৰ সাহস নাপালে। অৱশেষত সন্ধিয়া প্ৰায় ৬.৩০ বজাত বেংগালুৰু বিমানবন্দৰত বিমানখনে অৱতৰণ কৰে। নিশা ১১ বজাত মূল গন্তব্যস্থান হুবলীত উপস্থিত হয় যাত্ৰীসকল।
বিয়লি ৩ বজাত হায়দৰাবাদৰ ৰাজীৱ গান্ধী আন্তঃৰাষ্ট্ৰীয় বিমানবন্দৰৰ পৰা উৰা মাৰিছিল ফ্লাই৯১ৰ IC3401 বিমানখন। বিয়লি ৪.৩০ বজাৰ ভিতৰত বিমানখন হুবল্লীত অৱতৰণ কৰাৰ কথা আছিল। কিন্তু হুবল্লীৰ আকাশ পোৱাৰ পিছতো পাইলটে বিমানখন অৱতৰণ (Emergency landing) কৰিব নোৱাৰিলে। ধুমুহা বৰষুণৰ বাবে আবদ্ধ হৈ পৰে। লগে লগে পাইলটে অৱতৰণৰ সিদ্ধান্ত বাতিল কৰে।
সূত্ৰ অনুসৰি, ইয়াৰ পিছতে বিমানখনে প্ৰায় চাৰি ঘণ্টা ধৰি আকাশত ঘূৰি থাকে। কৰ্ণাটকৰ বিভিন্ন চহৰত অৱতৰণ কৰাৰ চেষ্টা চলাইছিল বিমানখনে। কিন্তু পাইলটে অৱতৰণ কৰিবলৈ নিৰাপদ ঠাই বিচাৰি নাপালে। এয়াৰ ট্ৰেফিক কণ্ট্ৰ’লৰো (ATC) অনুমতি পোৱা নগ’ল। জানিব পৰা মতে, বিমানখনত ২২ জন যাত্ৰী আছিল। অৱতৰণৰ সমস্যাৰ কথা শুনি তেওঁলোক আতংকিত হৈ পৰে।
