কাৰাগাৰতে থাকিব লাগিব জুবিন গাৰ্গ হত্যা গোচৰৰ (Zubeen murder case) অন্যতম অভিযুক্ত শ্যামকানু মহন্ত (Accused Shyamkanu Mahant)। গুৱাহাটীৰ ফাষ্ট ট্ৰেক আদালতত চলি থকা জুবিন হত্যা গোচৰৰ বিচাৰ প্ৰক্ৰিয়াত বৃহস্পতিবাৰে শ্যামকানু মহন্তৰ জামিন আবেদন নাকচ (Bail application rejected) কৰে আদালতে। গোচৰটোৰ অন্যতম অভিযুক্ত শ্যামকানু মহন্তৰ জামিন আবেদন শর্মিলা ভূঞাৰ আদালতে নাকচ কৰে। উল্লেখ্য যে যোৱা ১০ এপ্ৰিলত ফাষ্ট ট্ৰেক আদালতত অন্যতম অভিযুক্ত শ্যামকানু মহন্তই জামিনৰ বাবে আবেদন কৰিছিল।
আনহাতে, ২২ আৰু ২৩ এপ্ৰিলত এই জামিন আবেদনৰ ওপৰত হোৱা শুনানিৰ অন্তত ৰায় সংৰক্ষিত ৰাখে আৰু বৃহস্পতিবাৰে ৰায়দান কৰে। ইয়াৰ উপৰি শ্যামকানু মহন্তৰ পৰা যিবোৰ সামগ্ৰী জব্দ কৰা হৈছিল সেইবোৰ মোকলাই দিবলৈ কৰা আবেদনো আদালতে খাৰিজ কৰে। ৰায়দান সন্দৰ্ভত সংবাদ মাধ্যমৰ আগত চৰকাৰী অধিবক্তা জিয়াউৰ কামাৰে কয় যে ‘ঘটনা সংঘটিত হোৱাৰ পাছত জুবিন গাৰ্গক সহায় কৰাৰ পৰিৱৰ্তে শ্যামকানু মহন্ত মালয়েছিয়ালৈ পলাই গৈছিল। তাৰ পৰা তেওঁক জাননী দিহে অনা হয়। তেওঁক জামিন দিলে পুনৰ পলাই যোৱাৰ সম্ভাৱনা আছে। ইফালে ২ মে’ত সিদ্ধাৰ্থ শৰ্মাৰ জামিন আবেদনৰ ৰায়দান কৰিব বুলিও তেওঁ উল্লেখ কৰে।
