দুগৰাকী নাবালিকাৰ (Two young girls) সৈতে অনৈতিক তথা ঘৃণনীয় কাৰ্য সংঘটিত কৰাৰ অভিযোগত দুজন লোকক গ্ৰেপ্তাৰ। উল্লেখযোগ্য যে খটখটীত এজন ৫৬ বছৰীয়া ব্যক্তিৰ যৌন নিৰ্যাতন (Sexual assault)ৰ বলি হয় এগৰাকী ১২ বছৰীয়া শিশু। আনহাতে, আনজন ৫৫ বছৰীয়া ব্যক্তিৰ যৌন নিৰ্যাতনৰ বলি হৈছিল এটি ৬ বছৰীয়া শিশু। দুয়ো লম্পটক আৰক্ষীয়ে গ্ৰেপ্তাৰ কৰে।
ঘটনা সন্দৰ্ভত জানিব পৰা মতে, খটখটীৰ বালিজান (Balijan of Khatkhati)ত নিতেশ ৰয় নামৰ লোকজনে ঘৰত কোনো নথকাৰ সুযোগ বুজি গাঁওখনৰে ১২ বছৰীয়া শিশুটিক নিজৰ ঘৰতেই অপকৰ্ম কৰাৰ চেষ্টা চলোৱাৰ অভিযোগ উত্থাপন হৈছে৷
ভুক্তভোগী শিশুটিৰ পৰিয়ালৰ লোকে জানিবলৈ দিয়া অনুসৰি, কাৰেণ্টৰ লাইন ভাল কৰিবলৈ অহা বুলি কৈ নিতেশ ৰয়ে ঘৰৰ ভিতৰত প্ৰৱেশ কৰি ঘৰত কোনো নথকাৰ সুযোগত শিশুটিক ধৰ্ষণৰ অপচেষ্টা চলায়। ঘটনা সন্দৰ্ভত পৰিয়ালৰ তৰফৰ পৰা খটখটী আৰক্ষী থানাত এজাহাৰ দাখিল কৰাৰ পাছতে আৰক্ষীয়ে ৫৬ বছৰীয়া নিতেশ ৰয়ক গ্ৰেপ্তাৰ কৰে।
আন এক ঘটনাত খটখটীৰ মইনাপুৰীৰ দেৱা নায়ক জৰটকবী গাঁৱৰ এগৰাকী ৬ বছৰীয়া কিশোৰীক ধৰ্ষণৰ গুৰুতৰ অভিযোগ উত্থাপন হৈছে৷ ইতিমধ্যে দুয়ো অভিযুক্তক আটক কৰাৰ পিছত গ্ৰেপ্তাৰ কৰি খটখটী আৰক্ষীয়ে জে’ললৈ প্ৰেৰণ কৰিছে৷
