যোগানন্দ দেৱ সত্ৰাধিকাৰ গোস্বামী মহাবিদ্যালয় চুতীয়া ছাত্ৰ সন্থা শাখা সমিতি গোট গঠন

বোকাখাতঃ বোকাখাত সাধনী ভৱনত বোকাখাত মহকুমা চুতীয়া ছাত্ৰ সন্থা কাৰ্যনিবাহক সভাত জে ডি এছ জি মহাবিদ্যালয় শাখা গোট যোৱা ২৮ জুলাইত গঠন কৰা হয়৷ বোকাখাত মহকুমা চুতীয়া ছাত্ৰ সন্থাৰ সভাপতি মণ্টু শইকীয়া সভাপতিত্বত অনুষ্ঠিত হোৱা সভাখনৰ উদ্দেশ্য ব্যাখ্যা কৰে মহকুমা চুতীয়া ছাত্ৰ সন্থা সাধাৰণ সম্পাদক লাচিত কাকতিয়ে। শাখা গোটত মহাবিদ্যালয়ৰ ছাত্ৰ অংকুৰ বৰাক সভাপতি আৰু অবিনাশ বৰাক সম্পাদক হিচাপে লৈ এখন ২৪ জনীয়া সমিতি গঠন কৰা হয়। সভাত সদৌ অসম দেউৰী চুতীয়া সাহিত্য সভা সভাপতি প্ৰতাপ নেওগে ছাত্ৰ-ছাত্ৰীসকলক উদ্দেশ্যে বহুলভাৱে বক্তব্য ৰাখে ৷ সভাত সদৌ গোলাঘাট জিলা চুতীয়া ছাত্ৰ সন্থা সাধাৰণ সম্পাদক কুলেশ বৰা, বোকাখাত জিলা চুতীয়া জাতি সন্মিলনৰ সম্পাদক প্ৰশান্ত শইকীয়া, চুতীয়া যুৱ সন্মিলন অসমৰ কার্যকৰি সভাপতি পৰাগ শইকীয়া উপস্থিত থাকে।