পশ্চিম কাৰ্বি আংলং (West Karbi Anglong) জিলাৰ খেৰণিত উত্তপ্ত পৰিস্থিতি। খেৰণি আৰক্ষী থানাৰ অন্তৰ্গত নবাইবিলত মৃতদেহ সৎকাৰক লৈ এই পৰিস্থিতি৷ প্ৰাপ্ত তথ্য মতে, মিনা কুমাৰী চৌহান (Meena Kumari Chauhan) নামৰ এগৰাকী মহিলা যোৱা দেওবাৰৰ পৰা নিৰুদ্দেশ হৈ আছিল৷ কিন্তু সোমবাৰে তেওঁৰ মৃতদেহ খেৰণিৰ দৈয়াং নদীৰ পাৰত উদ্ধাৰ হয়৷ ইয়াৰ পিছত তেওঁৰ মৃতদেহ মৰণোত্তৰ বাবে ডিফুলৈ প্ৰেৰণ কৰে৷ কিন্তু মৃতদেহটো ঘৰৰ লৈ অনাৰ পাচতেই একাংশ জনতাই মৃত মহিলাগৰাকীৰ স্বামীগৃহত ক্ষোভ প্ৰকাশ কৰে৷ মৃতদেহটো একাংশ জনতাই স্বামীগৃহৰ চোতালতে সৎকাৰ কৰিবলৈ পৰিস্থিতিৰ উত্তপ্ত কৰে৷
কিন্তু আৰক্ষীয়ে বাধা প্ৰদান কৰাৰ পাচতেই পৰিস্থিতি নিয়ন্ত্ৰণৰ বাহিৰলৈ যোৱাত আৰক্ষীৰ সৈতে হতাহতিৰ হয়৷ পৰিস্থিতি নিয়ন্ত্ৰণৰ বাবে শূন্যলৈ গুলীচালনা কৰিব লগা হ’য়৷ এই ঘটাৰ সৈতে জড়িত থকাৰ অভিযোগত মহিলাগৰাকীৰ পৰিয়ালে স্বামীগৃহৰ ৭ জনকৈ লোকৰ বিৰুদ্ধে এজাহাৰ দাখিল কৰে। ইতিম্যধে মৃত মহিলাগৰাকীৰ স্বামী ৰবীন্দ্ৰ চৌহানক আৰক্ষীয়ে আটক কৰি ঘটনাৰ অনুসন্ধান আৰম্ভ কৰিছে৷ আচলতে মহিলা গৰাকীৰ মৃত্যু স্বাভাৱিক নে হত্যা কৰা হৈছে তাৰ ওপৰত আৰক্ষীৰ অনুসন্ধান অব্যাহত আছে৷
