নিচাযুক্ত দ্ৰৱ্যৰ (Drugs) বিৰুদ্ধে কাৰ্বি আংলং (Karbi Anglong) আৰক্ষীৰ অভিযান অব্যাহত আছে। তাৰ মাজতে শুকুৰবাৰে শান্তিপুৰ বৰপথাৰ আৰক্ষীয়ে এক বৃহৎ সফলতা অৰ্জন কৰে। আৰক্ষীৰ তালাচীৰ সময়ত খাকৰাজানৰ নাকা তালাচীত ডিমাপুৰৰ পৰা তেজপুৰ অভিমুখী প্ৰতিমা আই (পঞ্জীয়ন নং AS-02-BC-9854) নামৰ যাত্ৰীবাহী বাছখনৰ পৰা ১৯২ গ্ৰাম ড্ৰাগছ জব্দ কৰিবলৈ সক্ষম হয়। এক গোপন খবৰৰ ভিত্তিত বোকাজান মহকুমা আৰক্ষী বিষয়া ৰুস্তম ৰাজ ব্ৰহ্মৰ নেতৃত্বত বৰপথাৰ আৰক্ষী থানাৰ ভাৰপ্ৰাপ্ত আৰক্ষী বিষয়া নৱজিত কুমাৰৰ সহযোগত শান্তিপুৰ বৰপথাৰ আৰক্ষীয়ে এই অভিযান চলায়।
অভিযানৰ সময়ত ড্ৰাগছ সৰবৰাহকাৰী মৈৰাবাৰীৰ ইৰফান আলীক আৰক্ষীয়ে আটক কৰিবলৈ সক্ষম হয়। সৰবৰাহকাৰী ইৰফান আলীয়ে এটা বেগত কাপোৰৰ সৈতে ১৬টা চাবোনৰ বাকচৰ ভিতৰত ড্ৰাগছখিনি ভৰাই লুকুৱাই আনিছিল। আৰক্ষী সূত্ৰে জানিব পৰা মতে, উদ্ধাৰ হোৱা ড্ৰাগছখিনিৰ আন্তঃৰাষ্ট্ৰীয় বজাৰ মূল্য প্ৰায় ৪০ লাখ টকা হ’ব।
