পত্নী কৰ্মসূত্ৰে গুৱাহাটীত থকা অৱস্থাত পৰস্ত্ৰীৰ সৈতে যৌন উপভোগ। বিছনাত শুই থকা অৱস্থাত ধৰা পেলালে নিজৰ পত্নীয়ে। এই ঘটনাটো সংঘটিত হৈছে কলিয়াবৰৰ জেঙনিত। স্বামী দাদুল হাতীমতা (Dadul Hatimota) আৰু পত্নী কুকী হাতীমতাই পূৰ্বতে একেলগে অসম সমবায় মৰাপাট কলত কাম কৰিছিল যদিও মৰাপাট কলটো বন্ধ হোৱাত পত্নীয়ে কাম কৰিবলৈ গুৱাহাটীলৈ যায়। আনহাতে, মৰাপাট কলটোৰ উৎপাদন পুনৰ আৰম্ভ হোৱাত স্বামীয়ে তাতে কাম কৰিবলৈ লয় যদিও পত্নীয়ে আত্মীয়ৰ ঘৰত থাকি গুৱাহাটীতে কাম কৰি আছিল।
কিন্তু স্বামীয়ে আন এগৰাকী মহিলাৰ সৈতে অবৈধ সম্পৰ্ক স্থাপনৰ কথা গম পায় পত্নী কুকীয়ে। ফলত স্বামীৰ এই কথা প্ৰমাণ কৰিবলৈ আহি নিশা হাতে-লোতে ধৰা পেলায়। ইয়াৰ পিছতে পৰিস্থিতি উত্তপ্ত হৈ পৰে। নিশাই পত্নীয়ে পৰিয়ালৰ লোক আৰু চুবুৰীয়াৰ মানুহক লগত লৈ চলোৱা অভিযানত বিছনাতে পৰস্ত্ৰীৰ সৈতে শুই থকা অৱস্থাত স্বামীক ধৰা পেলায়। পৰৱৰ্তী সময়ত চুলুং আৰক্ষী আহি উপস্থিত হৈ স্বামী দাদুলক আটক কৰি থানালৈ আনি ঘটনাৰ বিষয়ে তদন্ত আৰম্ভ কৰিছে। আনহাতে, পত্নী কুকী হাতীমতাই স্বামী আৰু মহিলাগৰাকীক উচিত শাস্তি প্ৰদানৰ বাবে আৰক্ষী প্ৰশাসনৰ ওচৰত দাবী জনাইছে।
