ASSAM TIMES POST
নিউজ ডেস্ক
ক’ৰোনা ভাইৰাছৰ সংক্ৰমণৰ পৰা ৰক্ষা পাবলৈ পৃথিৱীৰ বিভিন্ন দেশে বহু চেষ্টা অব্যাহত ৰাখিছে৷ বিভিন্ন দেশত নেতাসকলৰ মাজত এই বিষয়টোক লৈ আলোচনা চলি আছে৷ ইপিনে, ইয়াৰ বিপৰীতে থাইলেণ্ডৰ ৰজাই লৈছে সম্পূৰ্ণ বিপৰীত দৃশ্য৷ ক’ৰোনা ভাইৰাছৰ সংক্ৰমণৰ পৰা নিজকে ৰক্ষা কৰিবৰ বাবে চাৰি তাৰকা হোটেলত আশ্ৰয় লৈছে থাইলেণ্ডৰ ৰজাই৷
ৰজাই আইচ’লেছনত থাকিবৰ বাবে লগত লৈ গৈছে ২০ গৰাকী ৰক্ষিতা৷ জাৰ্মানীৰ চাৰি তাৰকা হোটেল, যাৰ ভিতৰত আছে বহু বিনোদনৰ ব্যৱস্থা, ইয়াতে আইচ’লেছনত কটাইছে থাই ৰজা মহা বাজিৰালংকর্ণ৷ আনহাতে ৰজাৰ চাৰিগৰাকী পত্নী এই আইচ’লেছনত আছেনে নাই জানিব পৰা নাই৷ এক সূত্ৰৰ মতে নিজেই আইচ’লেছনত থকা ৰজাই গোটেই হোটেলখন ভাৰাত লৈছে৷
