ASSAM TIMES POST
নিউজ ডেস্ক:
দেশৰ ৰাজধানী দিল্লীত শুকুৰবাৰৰ পুৱালৈকে ক’ৰ’ণা ভাইৰাছত ৭২০জন লোক আক্ৰান্ত হৈছে৷ দিল্লীৰ স্বাস্থ্য মন্ত্ৰী সত্যেন্দ্ৰ জৈনে এই কথা প্ৰকাশ কৰিছে৷ উল্লেখ্য যে শুকুৰবাৰলৈকে দেশত ১৭ দিন ধৰি লকডাউন অব্যাহত আছে৷ শুকুৰবাৰৰ পুৱা পৰ্যন্ত দেশত ৬৪১২জন লোক ক’ৰ’ণাত আক্ৰান্ত৷ দিল্লীৰ উল্লিখিত ব্যক্তিসকলৰ ভিতৰত ২২ জন আই চি ইউত ভৰ্ত্তি কৰা হৈছে৷ আনহাতে ৭জনক ভেণ্টিলেছনত ৰখা হৈছে৷ তদুপৰি দেশত এই পৰ্যন্ত ১৯৯ জন লোক এই ভাইৰাছত আক্ৰান্ত হৈ মৃত্যু হৈছে৷ ক’ৰ’ণা ভাইৰাছত আক্ৰান্ত হৈ চিকিৎসাধীন হৈ থকা ইংলেণ্ডৰ প্ৰধানমন্ত্ৰী বৰি জনছনক আই চি ইউত ভৰ্ত্তি কৰোৱা হৈছে৷
