ASSAM TIMES POST
নিউজ ডেস্ক
ক’ৰনা ভাইৰাছ সন্দৰ্ভত সকলোৰাজ্য মুখ্যমন্ত্ৰীৰ সৈতে প্ৰধানমন্ত্ৰী নৰেন্দ্ৰ মোডী গুৰুত্বপূৰ্ণ বৈঠক।ভিডি’অ কনফাৰেন্সৰ জৰিয়তে মুখ্যমন্ত্ৰীৰ সকলৰ পৰা মোডীয়ে গ্ৰহণ কৰে নিজ নিজ ৰাজ্য ক’ভিড-১৯ শেহতীয়া পৰিস্থিতি।প্ৰধানমন্ত্ৰী গৰাকীয়ে সকলো মুখ্যমন্ত্ৰীক মাক্স পিন্ধিবলৈ আহ্বান জনায়।
লকডাউনৰ ম্যাদ বৃদ্ধিকলৈ মুখ্যমন্ত্ৰী সকলৰ পৰা প্ৰধানমন্ত্ৰী গৰাকীয়ে মতামত গ্ৰহণ কৰিছে।দিল্লী মুখ্যমন্ত্ৰী অৰবিন্দ কেজৰিৱালে মোডীক ৩০এপ্ৰিললৈ লকডাউন বৃদ্ধিৰ বাবে আহ্বান জনায়।পশ্চিমবংগ মুখ্যমন্ত্ৰী মমতা বেনাৰ্জীয়ে মানৱীয় দৃষ্টিভংগীৰে লকডাউন বৃদ্ধি আহ্বান জনায়।পাঞ্জাৱৰ মুখ্যমন্ত্ৰী অমৰেন্দ্ৰ সিঙে উদ্যোগ আৰু কৃষিখণ্ডক ৰেহাই প্ৰদান কৰি লকডাউন বৃদ্ধিৰ আহ্বান জনায়।
ইয়াৰ উপৰিও মহাৰাষ্ট্ৰ মুখ্যমন্ত্ৰীয়ে প্ৰধানমন্ত্ৰী গৰাকীক শেহতীয়া পৰিস্থিতিৰ প্ৰতি লক্ষ্য ৰাখি লক ডাউন বৃদ্ধিৰ বাবে আহ্বান জনায়।গুৰুত্বপূৰ্ণ কথা এই যে উৰিষ্যা আৰু পাঞ্জাৱে ইতিমধ্যে নিজাকৈ বৃদ্ধি কৰিছে লকডাউন।আনহাতে এই সন্দৰ্ভত প্ৰধানমন্ত্ৰী মোডীয়ে দেশবাসীক সম্বোধন কৰা সম্ভাৱনা আছে।
