ASSAM TIMES POST
বোকাখাত : সম্প্ৰতি কৰ’ণা ভাইৰাচৰ সংক্ৰমণ প্ৰতিৰোধৰ বাবে দেশত চলি থকা লক-ডাউনৰ বিধি কটকটীয়া কৰি তুলিবলৈ প্ৰচেষ্টাৰত বোকাখাত পৌৰসভা। এই উদ্দেশ্যে বোকাখাত পৌৰসভাই জাৰি কৰা বি এম বি (জি)/০৮/২০২০-২১নং জাননী যোগে বোকাখাত নগৰত মহামাৰী প্ৰতিৰোধৰ বাবে গােটা আৱর্জনা বিধি-২০১৬ আৰু দূর্যোগ ব্যৱস্থাপনা আইন -২০০৫, ধাৰা -৫১(খ)ৰ অধীনত কেতবোৰ নীতি বান্ধি দিয়ে।
সেই অনুসৰি জাননীখনত কোৱা হয় যে ৰাজহুৱা স্থান, পথ, পদপথ, পদ বিভাগ ইত্যাদিত তামোল-পান, গুটখা ইত্যাদি খাই পিক, থু-খেকাৰ পেলােৱাটো এটা অপৰাধ, কাৰণ যতে ততে থু-খেকাৰ পেলোৱাটো বর্তমান মহামাৰী ৰূপ লােৱা কৰ’না ভাইৰাছ সংক্ৰমণৰ এটা কাৰণ হ’ব পাৰে। তদুপৰি মাস্ক পৰিধান নকৰাটো এটা অপৰাধ, কাৰণ এনে কাৰ্য্যই কৰ’না ভাইৰাছ সংক্ৰমণৰ সহায়ক হ’ব পাৰে।
সেয়ে সমূহ জনসাধাৰণক পৌৰসভা এলেকাসমূহ চাফ-চিকুণ কৰি ৰখাত সহযােগ কৰিবৰ বাবে আৰু বাজহুবা স্থানত মুখা পবিধান কৰি চলাচল তথা যাতায়ত কৰিবৰ বাবে অনুৰোধ জনায়। পৌৰসভাৰ লগত জনসাধাৰণে সহযােগ কবিলেহে নগৰখন পৰিস্কাৰ হৈ থকাৰ লগতে কৰ’না ভাইৰাছ প্রতিহত কৰাত সহায়ক হ’ব। সেয়েহে সকলাে জনসাধাৰণক বিধিসন্মত নিয়ম মানি চলিবলৈ অনুৰোধ জনায় জাননীখনত।
অন্যথা ওপৰত উল্লিখিত আইন অনুযায়ী তামোল পান, গুটখা খাই পিক, থু-খেকাৰ পেলােৱা ব্যক্তিৰ বিৰুদ্ধে আইনগত ব্যবস্থা গ্রহণ কৰা হ’ব বুলি জাননীযোগে পৌৰসভাই জানিবলৈ দিয়ে। লগতে পৌৰ আইন ১৯৫৬ অনুসৰি আইন অমান্য কৰা ব্যক্তিৰ বিৰুদ্ধে ২০০ টকা পিক পেলােৱাৰ বাবে আৰু ১০০ টকা মুখা পৰিধান নকৰাৰ বাবে জৰিমনা বিহা হ’ব বুলিও জাননীখনত টানি উল্লেখ কৰা হয়।
