ASSAM TIMES POST
মহাৰাষ্ট্ৰত যি অৱস্থা, আমাৰ নিজৰো ভয় লাগিছিল- গৰিমা শইকীয়া গাৰ্গ
গুৱাহাটী :চাৰিদিনীয়া বাছ যাত্ৰাৰ অন্তত সুদূৰ মুম্বাই পৰা সোমবাৰে নিশা ২.৩০ বজাত গুৱাহাটীত উপস্থিত হয় জনপ্ৰিয় শিল্পী জুবিন গাৰ্গ।পুৱতি নিশা শিল্পী গৰাকী আহি পোৱাৰ পিছতে কৰা হয় স্বাস্থ্য পৰীক্ষা।উল্লেখ যে দুটা মাহৰ পিছত মাতৃভূমি অসম তথা গুৱাহাটীত উপস্থিত হৈ শিল্পী জুবিনে কয় ” সজাগ হৈ আগবাঢ়িলে ক’ৰনা আমি নিশ্চয়কৈ প্ৰতিৰোধ কৰিব পাৰিম”।
স্বাস্থ্যমন্ত্ৰী গৰাকীয়ে দিনে-ৰাতিয়ে কাম কৰি আছে।মইও আহিছোঁ প্ৰয়োজনত যি সহায় লাগে সহায় কৰিম বুলি উল্লেখ কৰি শিল্পী জুবিনে কয় “মুখ্যমন্ত্ৰী সৰ্বাদা আৰু মন্ত্ৰী হিমন্ত দাক বিশেষ ভাৱে ধন্যবাদ।মুম্বাই পৰা আহিবলৈ বাছ ভাড়া কৰাৰ পৰা সকলো সহায় কৰিছে আমাক।
আমি তাত লকডাউনত আছিলোঁ তাৰ প্ৰশাসনৰ সৈতে তেওঁলোকে যোগাযোগ কৰিছে।বিভিন্ন ৰাজ্যৰ মাজেৰে আমাক পাৰ হৈ অহাত সহায় কৰিছে”।“যাত্রা অলপ লাহে লাহে কৰিব লগা হৈছে মানুহ বহুত।গাড়ীতে খোৱা বোৱা কৰিছোঁ।অসমত সোমাই বৰপেটা ডিএছপি সমীৰণ বৈশ্যই আমাক খোৱা ব্যৱস্থা কৰে”-জুবিনে কয়।উল্লেখ যে জুবিনৰ হৈতে দীঘলীয়া বাছ-যাত্ৰাত আছিল পত্নী গৰিমা শইকীয়া গাৰ্গ আৰু দুই সহযোগী শিল্পী।
অসমত উপস্থিত হৈ পত্নী গৰিমা শইকীয়া গাৰ্গে বৰ্ণনা কৰিলে মুম্বাইৰ ভয়ংকৰ পৰিৱেশৰ কথা।তেওঁ কয় “মহাৰাষ্ট্ৰ যি অৱস্থা হৈছে তাৰ মাজত আমাৰ ভয় লাগিছিল।অসম চৰকাৰে আমাৰ আৱেদন ৰক্ষা কৰাৰ বাবে ধন্যবাদ”।
পৰিয়ালৰ সুৰক্ষাৰ কথা চিন্তা কৰি হোম কোৱাৰেণ্টাইন কৰা আমাৰো মন নাই”-গৰিমাই লগতে কয়।ইফালে গুৱাহাটীৰ ৰেডিচন ব্লু’ ১৪দিনৰ কোৱাৰেণ্টাইন কৰা হৈছে শিল্পী জুবিনক।উল্লেখ যে যোৱা শুকুৰবাৰে পুৱা ৭বজাত মহাৰাষ্ট্ৰ আন্ধেৰী পৰা আৰম্ভ হৈছিল জুবিনৰ যাত্ৰা।
