ASSAM TIMES POST
অহা ৩০ মে’ৰ ভিতৰত মথাউৰিৰ নির্মাণকার্য সম্পূর্ণকৰিবলৈ জলসম্পদ বিভাগক মুখ্যমন্ত্রীৰ নির্দেশঃ
প্রধানমন্ত্রী অর্থনৈতিক পেকেজক আদৰণি মুখ্যমন্ত্ৰীৰঃ
অজন্তা তালুকদাৰ, বোকাখাত :
মুখ্যমন্ত্রী সর্বানন্দ সােণােৱালে আজি কাজিৰঙা ৰাষ্ট্ৰীয় উদ্যানক বানপানীৰ পৰা সুৰক্ষিত কৰিবলৈ মৰিয়াহােলাৰ পৰা অগৰাতলি ৰেঞ্জলৈ জলসম্পদ বিভাগে নির্মাণ কার্য চলাই থকা মথাউৰি পৰিদৰ্শন কৰি চৰজমিন বুজ লয়। পৰিদৰ্শন কালত মুখ্যমন্ত্ৰীয়ে জলসম্পদ বিভাগৰ শীর্ষ বিষয়াসকলৰ সৈতে মথাউৰিটোৰ নির্মাণকাৰ্যৰ অগ্ৰগতিৰ বিষয়ে আলােচনা কৰাৰ উপৰি অহা ৩০ মে’ৰ ভিতৰত এই নির্মাণকার্য সম্পূর্ণ কৰিবলৈ নির্দেশ দিয়ে।
উল্লেখ্য যে এছিয়ান ডেভেলপমেন্ট বেংকৰ পুঁজিৰে ২৩.৩৮ কিঃমিঃ দৈর্ঘ আৰু ৭.৫ মিটাৰ বহলকৈ নিৰ্মাণ কৰি থকা মথাউৰিটোৱে বানপানীৰ কৱলৰ পৰা ৰাষ্ট্ৰীয় উদ্যানখনক বহুলাংশে সুৰক্ষিত কৰি ৰাখিব পাৰিব। আজিৰ এই পৰিদৰ্শনৰ সময়ত জলসম্পদ বিভাগৰ মন্ত্রী কেশৱ মহন্ত, কৃষি মন্ত্রী অতুল বৰা, সাংসদ কামাখ্যা প্রসাদ তাছা, বিধায়কদ্বয় মৃণাল শইকীয়া, বিমল বৰা, গােলাঘাট জিলাৰ উপায়ুক্ত, আৰক্ষী অধীক্ষক, বােকাখাত মহকুমাৰ মহকুমাধিপতি প্ৰমুখ্যে জলসম্পদ বিভাগ আৰু বন বিভাগৰ শীর্ষ বিষয়াসকল উপস্থিত আছিল।
ইয়াৰ পিছতে সাংবাদিকৰ সৈতে হােৱা কথােপকথনত মুখ্যমন্ত্রী সােণােৱালে কয় যে আমাৰ ৰাজ্যখনে প্রতিবছৰে বানপানী আৰু গৰাখহনীয়াৰ কৱলত পৰে। মুখ্যমন্ত্ৰীয়ে কয় যে লডাউনৰ বাবে মথাউৰি নিৰ্মাণৰ কাম সময়মতে আৰম্ভ কৰিব পৰা নগ’ল। আগন্তুক বাৰিষাৰ কালছােৱাত হ’ব পৰা সাম্ভাব্য বানপানীৰ প্রতি লক্ষ্য ৰাখি মথাউৰি নিৰ্মাণৰ কাম জলসম্পদ বিভাগে ক্ষিপ্রতাৰে আৰম্ভ কৰিছে।
মুখ্যমন্ত্রীয়ে আৰু কয় যে জলসম্পদ বিভাগৰ প্ৰতিটো কাম মে’ মাহৰ ভিতৰত সম্পূর্ণ কৰাৰ বাবে নির্দেশ দিয়া হৈছে। জুন মাহৰ পৰা বানপানী হােৱাৰ বিষয়টো গুৰুত্ব আৰােপ কৰি চলিত মাহৰ ভিতৰতে মথাউৰি নিৰ্মাণৰ কাম সম্পূর্ণ কৰি তুলিব লাগিব বুলিও মুখ্যমন্ত্ৰীয়ে কয়। বানপানী অসমৰ ৰাইজ তথা কৃষক সমাজৰ বাবে বৃহৎ প্ৰত্যাহ্বান বুলি উল্লেখ কৰি মুখ্যমন্ত্ৰীয়ে কয় যে ৰাইজক নিৰাপত্তা দিয়াৰ বাবে ৰাজ্য চৰকাৰে মথাউৰি নিৰ্মাণৰ কাম শীঘ্ৰে সমাপ্ত কৰিব বিচাৰে।
মুখ্যমন্ত্ৰীয়ে লগতে কয় যে বৰাক আৰু ব্ৰহ্মপুত্ৰত হােৱা বানপানীৰ ফলত প্রতি বছৰে মানুহে দুর্যোগ ভুগিবলগীয়া হয়। মথাউৰি নিৰ্মাণৰ কাম সময়মতে সম্পূর্ণ হৈ উঠিলে বানপানীৰ কৱলৰ পৰা বহুলােক ৰক্ষা পৰাৰ উপৰি কৃষি খণ্ডৰ ক্ষয়-ক্ষতি হ্রাস পাব। কাজিৰঙা ৰাষ্ট্ৰীয় উদ্যানৰ বন্যপ্রাণীক সুৰক্ষা দিয়াৰ বাবেও ৰাজ্য চৰকাৰে পদক্ষেপ গ্ৰহণ কৰি আহিছে। বানপানীৰ কৱলৰ পৰা এই উদ্যানখন যাতে সুৰক্ষিত কৰি ৰাখিব পৰা যায় তাৰ বাবে মথাউৰি নিৰ্মাণৰ অগ্ৰগতিৰ তেওঁ প্রত্যক্ষভাৱে বুজ লৈছে।
এই কাম সময়মতে সম্পূর্ণ হৈ উঠিলে বৃহত্তৰ অঞ্চলটোৰ জনসাধাৰণ ৰক্ষা পৰিব বুলিও মুখ্যমন্ত্ৰীয়ে কয়। কৰ’না ভাইৰাছৰ বিৰুদ্ধে জাতি-ধর্ম-ভাষাবর্ণ নির্বিশেষে সকলাে শ্ৰেণীৰ জনসাধাৰণক সতর্ক আৰু সজাগ কৰাৰ ক্ষেত্ৰত সংবাদ মাধ্যমে গুৰুত্বপূর্ণ ভূমিকা গ্রহণ কৰিছে বুলি উল্লেখ কৰি মুখ্যমন্ত্ৰীয়ে আগন্তুক দিনত ৰাজ্য চৰকাৰে আৰম্ভ কৰা সকলাে কাম যাতে সময়মতে সম্পূর্ণ হৈ উঠে সেই ক্ষেত্ৰত সাংবাদিকসকলৰ সহযােগিতা বিচাৰে।
প্রধানমন্ত্রী নৰেন্দ্ৰ মােদীয়ে দেশৰ অর্থনৈতিক ক্ষেত্ৰখনক পুনৰুজ্জীৱিত কৰাৰ বাবে অর্থনৈতিক পেকেজ ঘােষণাক আদৰণি জনাই মুখ্যমন্ত্ৰী সোনোৱালে কয় যে ক’ভিড-১৯ ৰ বিৰুদ্ধে যুঁজ দিয়াৰ সমান্তৰালভাৱে অসমৰ অর্থনৈতিক অৱস্থা ত্বৰান্বিত কৰাৰ বাবে ৰাজ্য চৰকাৰে বিভিন্ন কর্মপথাৰতৰ দৃঢ়তাৰে কাম কৰি যাব।
