ASSAM TIMES POST
ডিফু: অৱশেষত আৰক্ষীৰ জালত পৰিল গঁড় চিকাৰত জড়িত জনথাং সহ পলাতক তিনি দূৰ্ধৰ্ষ গঁড় চিকাৰী ৷ আৰক্ষী আৰু বনবিভাগৰ মূৰৰ কামোৰণি হৈ পৰা পলাতক তিনি চোৰাং গঁড় চিকাৰীৰ গ্ৰেপ্তাৰৰ ঘটনাত স্বস্তিৰ নিশ্বাস পেলাইছে আৰক্ষী আৰু বনবিভাগে ৷
ডলামৰা থানাৰ গোছৰ নং,4/2020, ডিফু থানাৰ গোছৰ নং 110/220, আৰু বকলিয়া থানাৰ গোছৰ নং 131/2020 গোছৰৰ ভিত্তিত তদন্ত চলাই অৱশেষত কাৰবি আংলং আৰক্ষীয়ে গঁড় চিকাৰত জড়িত তিনি দূৰ্ধৰ্ষ পলাতক অপৰাধী মূল অপৰাধী ক্ৰমে, জনথাং ওৰফে থাগবই, মুৱামুৱান ওৰফে অভাৰ চাইজ আৰু নিংমিয়ানলুন ওৰফে লুলুনক আৰক্ষীয়ে আটক কৰিবলৈ সক্ষম হয় ৷
আটাইকেইজন অপৰাধী মণিপুৰৰ চুৰান্দপুৰ এলেকাৰ হয় বুলি জানিব পৰা গৈছে ৷ আটাইকেইজন অপৰাধীয়ে তিনওখন থানাৰ তেওঁলোকৰ বিৰুদ্ধে পঞ্জীয়ণ ভূক্ত গোছৰৰ মৰ্মে তেওঁলোক গঁড চিকাৰত প্ৰত্যক্ষ ভাবে জড়িত আছিল বুলি আৰক্ষীৰ আগত স্বীকাৰ কৰাৰ লগতে পূৰ্বৰ পাঁচটা গঁড়ৰ হত্যা গোছৰত জড়িত আছিল বুলি স্বীকাৰ কৰা বুলি আৰক্ষীৰ সূত্ৰত প্ৰকাশ ৷
ধৃত অপৰাধী কেইটাই কাজিৰঙা ৰাষ্ট্ৰীয় উদ়্যাণৰ কাষত মাটিৰ তলত পুতি থোৱা অৱস্থাৰ পৰা AK 81 ৰাইফল উদ্ধাৰ কৰি দিয়ে ৷ উল্লেখযোগ্য যে যোৱা ২৮ মেত দলদলী সংৰক্ষিত বনাঞ্চলত টহল দি ফুৰা বনৰক্ষীৰসৈতে মুখামুখী সংঘৰ্ষত বনৰক্ষীৰ গুলীত চোৰাং চিকাৰী দলৰ মাং ওৰফে মাংবই পাইটে নিহত হৈছিল ৷
তাৰ পিছত পুণৰ ২ জুনত সেনা- আৰক্ষী আৰু চি আৰপিএফৰ যুটীয়া অভিযানত বৃহৎ পৰিমানৰ অত্যাধুনিক মৰণাস্ত্ৰ সহ চাৰিজনকৈ চোৰাং হঁড় চিকাৰী ক্ৰমে, বকলীয়াঘাট আৰক্ষী থানাৰ অন্তৰ্গত পাট্ৰাদিছাৰ পৰা আৰক্ষীয়ে অভিযান চলাই গঁড়ৰ খড়গ চুৰি চক্ৰৰ দূৰ্ধৰ্ষ সদস্য বিকি থাপাক আটক কৰে ৷
পিছত অপৰাধীটোৰ স্বীকাৰোক্তিৰ ভিত্তিত ডিফু আৰু ধনশিৰিত অভিযান চলাই আৰক্ষীয়ে মণিপুৰৰ লামকা চুড়াচান্দপুৰৰ ডেভিড চিয়া ওৰফে চামবৈ আৰু নগাওঁ জিলাৰ চালনা নপানীৰ চিমন লাক্ৰা নামৰ দুটা গঁড় চিকাৰী আটক কৰিবলৈ সক্ষম হৈছিল ৷
