ষ্টাফ ৰিপ’ৰ্টাৰ:
বোকাখাত : বোকাখাতৰ যোগনীয়া গাওঁ নামঘৰৰ বান সাহাৰ্য শিবিৰত অলপতে গোলাঘাট কমাৰবন্ধাৰ বিশিষ্ট যুৱ সমাজকৰ্মী কৈলাশ কুমাৰ বৰাই মুঠ পঞ্চাশ পৰিয়ালৰ মাজত বান সাহাৰ্য প্ৰদান কৰে। এই সাহায্যত খাদ্য সামগ্ৰী, খোৱা পানীৰ লগতে চাবোন বিতৰণ কৰে।
এই উদ্দেশ্যে অনুষ্ঠিত অনুষ্ঠানত বৰাৰ লগতে তেখেতৰ সহকৰ্মী সকলক আদৰণি জনাই বক্তব্য প্ৰদান কৰে জ্যেষ্ঠ সাংবাদিক বুবুল দত্তই। আনহাতে বোকাখাত ৰজাবাৰীৰ চি এচ কম্পিউটাৰ প্ৰতিষ্ঠানৰ পৰিচালক অপূৰ্ব বৰঠাকুৰে মাস্ক বিতৰণ কৰে।
যোগনীয়া নামঘৰত উপস্থিত লোকৰ মাজত কৈলাশ কুমাৰ বৰাই পৰবৰ্তী সময়ত যুৱক, কৃষক, ছাত্ৰ ছাত্ৰী সকলক সহায় আগবঢ়োৱাৰ আশ্বাস প্ৰদান কৰে। তেখেতৰ লগত তদ্ৰুপ গোস্বামী, চন্দন ভূঞা, ৰেৱ কাৰ্ডং আৰু যোগেশ্বৰ বড়িয়ে সহযোগিতা আগবঢ়ায়।
