ষ্টাফ ৰিপ’ৰ্টাৰ:
কৃষক মুক্তি সংগ্রাম সমিতিৰ নেতৃত্বত ৰাজ্যত আত্মপ্ৰকাশ ঘটিব আপোচবিহীন আঞ্চলিক ৰাজনৈতিক দল।নতুন দলৰ প্ৰস্তুতি ইতিমধ্যে প্ৰায় সম্পূৰ্ন হৈছে সংগঠনটো।আত্মপ্ৰকাশ ঘটিব লগা নতুন ৰাজনৈতিক দলটোৰ সংবিধান আৰু কৰ্মসূচী প্ৰস্তুতি লগতে দলৰ নামো চূড়ান্ত কৰা হৈছে- গুৰুত্বপূৰ্ণ ঘোষণা কৃষক মুক্তি সংগ্রাম সমিতিৰ সভাপতি ভাস্ক-ডি শইকীয়া।কৃষক মুক্তিৰ গুৱাহাটীৰ গান্ধীবস্তি কাৰ্যলয়ত সংবাদমেলৰ জৰিয়তে সভাপতি গৰাকীয়ে কয়- ঐক্যবদ্ধ আপোচ বিহীন আঞ্চলিক ৰাজনৈতিক দল হ’ব।কোনো ৰাষ্ট্ৰীয় শক্তিৰ লগত নাথাকিব এই দলটো।
গুৰুত্বপূৰ্ণ কথা এই যে গঠন হব লগা নতুন ৰাজনৈতিক দলটোৰ নাম কি হ’ব ইতিমধ্যে চুড়ান্ত কৰা হৈছে যদিও কাৰাৰুদ্ধ কৃষক নেতা অখিল গগৈ মুকলি আকাশৰ তললৈ আহি ঘোষণা কৰিব দলটোৰ নাম-সভাপতি শইকীয়াই কয়।
উল্লেখ কৃষক মুক্তিয়ে পূৰ্বে গঠন কৰা ‘গণমুক্তি সংগ্রাম অসম’ নহব নতুন দলটোৰ।দল গঠনৰ বাবে তৈয়াৰ কৰা কৰ্মসূচীখনৰ নাম হৈছে ‘অসমবাসীৰ জাতীয় কৰ্মসূচী’।যিখনক আধুনিক অসমীয়া জাতিৰ বুনিয়াদী দলিল বুলি অভিহিত কৰিছে সংগঠনটোৱে।
ৰাজনৈতিক দল গঠনৰ সকলো ধৰণৰ বৌদ্ধিক কাম-কাজ সম্পূৰ্ন হোৱা বুলি উল্লেখ কৰি সভাপতি গৰাকীয়ে কয়- অহা অক্টোবৰ মাহত কৃষক নেতা গগৈ মুকলি হোৱা পাছতে চূড়ান্ত ঘোষণা হ’ব নতুন দলটোৰ নাম।২১ৰ নির্বাচনত বিজেপিক উৎখাত লক্ষ্যৰে প্ৰতিদ্বন্দিতা কৰিব নিৰ্বাচনত।দলটো মুখ্যমন্ত্ৰী পদৰ প্ৰাৰ্থী হ’ব কৃষক নেতা অখিল”।
কা’ বিৰোধিতা কৰা সকলো আঞ্চলিক শক্তিক দলটোত ঐক্যবদ্ধ হোৱাৰ আহ্বান জনায় শইকীয়াই কয়- ৰাজনৈতিকভাৱে ফেডাৰেল, অৰ্থনৈতিক ভাৱে আত্ম নিৰ্ভৰশীল, সামাজিক-সংস্কৃতিক ভাৱে সকলোকে সামৰি আৰু মানসিকভাৱে বিজ্ঞানসন্মত অসম গঢ়ি তোলা দলৰ মুখ্য উদ্দেশ্য”।
আঞ্চলিকতাবাদত বিশ্বাসী অসমৰ স্বাভিমানৰ প্ৰতি দায়বদ্ধ, জাতীয় ভাবাপন্ন, ধৰ্মনিৰপেক্ষ, আপোচবিহীন আৰু প্ৰগতিশীল ব্যক্তিক গঠন হ’ব লগা দলটোত যোগদান কৰাৰো আহ্বান জনায় সংগঠনটোৱে।
ৰাজনৈতিক দল গঠন হলেও কৃষক মুক্তি সংগ্ৰাম সমিতিৰ অৰাজনৈতিক জাতীয় সংগঠন হিচাপে ধাৰাবাহিকতা ৰক্ষা কৰিব-এই কথা উল্লেখ কৰি ভাস্ক-ডি শইকীয়াই কয় “কংগ্ৰেছ- এআইইউডিএফ কোনো শক্তিৰে মিত্ৰতা নকৰে ৰাজনৈতিক দলটোৱে।সদৌ অসম ছাত্ৰ সন্থা, অসম জাতীয়তাবাদী যুৱ-ছাত্ৰ পৰিষদৰ আঞ্চলিকতাবাদী ৰাজনৈতিক দলৰ সৈতেও মিত্ৰতা সন্দৰ্ভত কৃষক মুক্তি সংগ্রাম সমিতিয়ে পৰৱৰ্তী পৰ্যায়ৰ আলোচনা কৰিব বুলি জানিব দিয়ে।
গান্ধীবস্তিত সম্বোধন কৰা সংবাদমেলত উপস্থিত থকা কৃষক মুক্তি সংগ্রাম সমিতিৰ সভাপতি ৰাজু বৰুৱা, উপদেষ্টা হুছেইন মহম্মদ চাহজাহান, কাৰ্যকৰী সভাপতি অনিল বড়ো।
