২১ৰ বিধানসভা নিৰ্বাচনৰ ৰণ কৌশল প্ৰস্তুত কৰি নৱপ্ৰজন্মক অসম গণ পৰিষদৰ প্ৰতি আকৃষ্ট কৰা লক্ষ্যৰে শনিবাৰে গুৱাহাটীত অনুষ্ঠিত হয় অসম যুৱ পৰিষদৰ প্ৰথমখন কাৰ্যনিৰ্বাহক সভা। নতুন প্ৰজন্মক কি আদৰ্শৰে অগপ দলৰ প্ৰতি আকৃষ্ট কৰাব পৰা যাব তাৰ বিষয়ে বিস্তৃত ৰূপত পয্যালোচনা কৰা হয় বৈঠকত।
নৱগঠিত আঞ্চলিক দলসমূহৰ যুৱ সংগঠনসমূহৰ তুলনাত অগপ যুৱ পৰিষদৰ দায়িত্ব অধিক বেছি। দলে দিয়া দায়িত্ব অনুসৰি নিষ্ঠা সততাৰ মাজেৰে যুৱ প্ৰজন্মক আগবঢ়াই নিব লাগিব- অসম যুৱ পৰিষদৰ সভাপতি জিতু বৰগোঁহাই এইদৰে কয়।
প্ৰগতিশীল জাতীয়তাবাদৰ লগতে যুৱ প্ৰজন্মক আত্মনিৰ্ভশীল কৰা বাবে অসম যুৱ পৰিষদে এখন প্ৰতিবেদন প্ৰস্তুত কৰা বুলিও সংবাদ মাধ্যমক অৱগত কৰে যুৱ নেতাগৰাকীয়ে।
অসমত থকা বহিৰাগত প্ৰতিষ্ঠাত থলুৱা যুৱক-যুৱতীয়ে সংস্থাপন পোৱা। লগতে বহিৰাগত অনুষ্ঠান প্ৰতিষ্ঠানে থলুৱা যুৱক-যুৱতীক কৰি অহা হাৰাশাস্তি নিৰ্মূল কৰিব পৰাকৈ প্ৰস্তাৱ গ্ৰহণ কৰে বৈঠকত।
আগন্তক নিৰ্বাচনৰ শক্তি প্ৰদৰ্শন কৰা বাবে অসম যুৱ পৰিষদে অহা বৰ্ষ জানুৱাৰী শেষৰ ফালে বৃহৎ যুৱ সমাৰোহ আয়োজন কৰিব বুলি সভাপতি বৰগোঁহাই কয়।
অগপ প্ৰতি থকা অসমবাসী আশা আকাংক্ষা যুৱ প্ৰজন্মই আগবঢ়াই নিব লাগিব বুলি উল্লেখ কৰি জিতু বৰগোঁহাই কয়- আমি নৱ প্ৰজন্মৰ । অগপৰ পূৰ্ব কথাৰে বান্ধিব যত্ন নকৰিব ন-সাজে আগবাঢ়িব বিচাৰো। আমাৰ গাত দুখ-ভুল নাই।নতুন প্ৰজন্মক লগত লৈ আগবাঢ়িব বিচাৰোঁ।
অগপ জন্ম ইতিহাস আছে। অসম জাতীয় পৰিষদ দৰে দুই-তিনিদিন আন্দোলন কৰি জন্ম হোৱা দলৰ লগত তুলনা নকৰিব। দল জন্ম হৈছে শুভেচ্ছা আছে- জিতুৱে কয়।
আনহাতে, আগন্তক নিৰ্বাচনত অসম যুৱ পৰিষদে অগপ পৰা ৩০ শতাংশ আসন বিচাৰিব বুলি জানিবলৈ দি কয়- পুৰণি সকল আঁতৰিলে নৱ প্ৰজন্মলৈ সুবিধা হয়। নাহৰকটিয়া পৰা আৰম্ভ কৰি বিভিন্ন সমষ্টিত আমাৰ যুৱ প্ৰাৰ্থী বিচাৰিম।
