ষ্টাফ ৰিপ’ৰ্টাৰ
ডিফু : কেন্দ্র-ৰাজ্য উভয়তে শাসনৰ গাদীত থকা বিজেপি চৰকাৰক কঠোৰ সমালোচনা কৰাৰ লগতে অনাগত দিনত চৰকাৰখনৰ জনবিৰোধী নীতিৰ বিৰুদ্ধে ব্যাপক আন্দোলনৰ কার্যসূচীৰ গ্রহণ কৰাৰ সিদ্ধান্তব কথা ঘোষণা কৰিছে পাহাৰীয়া জিলাখনৰ অন্যতম আঞ্চলিক ৰাজনৈতিক দল এএছডিচিয়ে। আজি ডিফুস্থিত দলটোৰ মুখ্য কার্য্যালয়ত এক সংবাদমেলৰ আয়োজন কৰি এএছডিচিৰ সভাপতি চন্দ্রকান্ত তেৰাঙে শাসকীয় দলটোক ক্ষুৰধাৰ সমালোচনা কৰি ২০১৪ আৰু ২০১৯৩ দলটোৰে সংসদীয় নির্বাচনৰ পূর্বে ভালেসংখ্যক জনকল্যাণমূলক কার্যসূচীৰ কথা ঘোষণা কৰিছিল যদিও এইক্ষেত্রত দলটোৱে সম্প্রতি সম্পূর্ণ ইউ টার্ণ লোৱাহে পৰিলক্ষিত হৈছে। শাসনৰ দায়িত্ব লাভ কৰাৰ পিছতে দলটোৱে এটাৰ পিছত আন এটা জনবিৰোধী পদক্ষেপ গ্রহণ কৰি অহা বুলি অভিযোগ কৰি সভাপতিগৰাকীয়ে এইক্ষেত্রত নিতা ব্যৱহার্য সামগ্রীৰ ব্যাপক হাৰত মূল্যবৃদ্ধিৰ প্রসংগ উল্লেখ কৰি চৰকাৰক কঠোৰ সমালোনা কৰে।
ইয়াৰ উপৰিও চৰকাৰৰ শেহতীয়া বিতর্কিত কৃষি আইন, সংশোধিত নাগৰিকত্ব আইন, ভূমি আইন, চাকৰিৰ ক্ষেত্রত সংৰক্ষণ আইন আদি ব্যৱস্থাৰে সমাজৰ বিত্তৱান শ্রেণীৰ সুবিধা হোৱাকৈ আইন প্রণয়ন কৰা বুলি মন্তব্য কৰে। ১৯৮৬ চনৰ পৰাই এএছডিচিয়ে কেন্দ্রীয় চৰকাৰৰ জনবিৰোধী নীতিৰ বিৰুদ্ধে প্রতিবাদ অব্যাহত ৰখা বুলি মস্তব্য কৰি সম্প্রতি বিজেপি চককাৰক সকলো জনবিৰোধী নীতিক জনতাৰ ওচৰত উদঙাই দিয়াৰ লক্ষ্যৰে ধাৰাবাহিক আন্দোলনৰ কার্যসূচী গ্রহণ কৰা হ’ব বুলি ঘোষণা কৰে।
লগতে, সম্প্রতি দেশজুৰি কৃষি আইনৰ বিৰুদ্ধে অব্যাহত থকা কৃষক আন্দোলনলৈও এএছডিচি দলে পূর্ণ সমর্থন আগবঢ়োৱা বুলিও এএছডিচিৰ সভাপতিগৰাকীয়ে লগতে সংবাদমেলত ঘোষণা কৰে। শাসকীয় বিজেপি চৰকাৰৰ জনবিৰোধী নীতিৰ বিৰুদ্ধে শক্তিশালী আন্দোলন আৰু ভাৰতৰ সংবিধানৰ ২৪৪(ক) ধাৰাৰ অধীনত এখনি স্বায়ত্তশাসিত ৰাজ্য গঠনৰ দাবীক অধিক শক্তিশালী ৰূপ দিয়াৰ লক্ষ্যৰে দলটোৱে অহা ৭ আৰু ৮ জানুৱাৰীত কাৰ্বি আংলং জিলাৰ সদৰ চহৰ ডিফুত এখনি অভিৱর্তনৰো আয়োজন কৰা বুলি আজিৰ সংবাদমেলত সদৰি কৰা হয়। লগতে পাহাৰীয়া জিলাখনৰ কৃষকসকলৰ কৃষি আৰু উৎপাদিত শস্য আদিৰ সৰবৰাহৰ ক্ষেত্রতো ৰাজসাহায্য প্রদানৰ দাবী তোলে দলটোৱে।
আনহাতে, সমাগত বিধানসভা নির্বাচনত জাতীয় ভাৰাদর্শসম্পন্ন তথা ধর্ম নিৰপেক্ষ দলৰ সৈতে নির্বাচনী মিত্রতাৰ বাবেও আগ্রহ প্রকাশ কৰে এএছডিচিৰ সভাপতি চন্দ্ৰকান্ত তেৰাঙে। সংবাদমেলত অংশগ্রহণ কৰি কাৰ্বি আংলং স্বায়ত্তশাসিত পৰিষদৰ প্রাক্তন মুখ্য কার্যবাহী সদস্য তথা এএছডিচি দলৰ সাধাৰণ সম্পাদক জৎচন বেই নিত্য ব্যবহার্য সামগ্রীৰ মূল্যবৃদ্ধি সন্দর্ভত প্রতিক্রিয়া প্রকাশ কৰি কৃষকে বিক্রী কৰিব পৰা সামগ্রীৰ বজাৰ মূল্য উদ্বেগজনকভাবে হ্রাস পোৱাৰ বিপৰীতে এয়া কৰিবলগীয়া সামগ্রীৰ বজাৰ মুল্য ব্যাপক হাৰত বৃদ্ধি পোৱা বুলি ক্ষোভ উজাৰে।
