নিউজ ডেস্কঃ
শনিবাৰে প্রকাশিত কেন্দ্রীয় স্বাস্থ্য মন্ত্ৰালয়ৰ ৰিপোর্ট অনুযায়ী, বিগত ২৪ ঘণ্টাত নতুনকৈ কৰোনাত আক্রান্ত হৈছে ১৩ হাজাৰ ৯৯৩ জন। ফলত মুঠ আক্রান্তৰ সংখ্যা বৃদ্ধি পাই হৈছে ১ কোটি ৯ লক্ষ ৭৭ হাজাৰ ৩৮৭।
আনহাতে, কেন্দ্রীয় স্বাস্থ্য মন্ত্ৰালয়ৰ প্রকাশিত বুলেটিন অনুযায়ী, সক্রিয় ৰোগীৰ সংখ্যা ১ লক্ষ ৪৩ হাজাৰ ১২৭। বিগত ২৪ ঘণ্টাত ৭ লক্ষ ৮৬ হাজাৰ ৬১৮ জনৰ কোভিড পৰীক্ষা হৈছে। সংক্রমণ হাৰ ১.৭৮ শতাংশ।
সুস্থতাৰ হাৰ ৯৭.২৭ শতাংশ। ইফালে বিগত ২৪ ঘণ্টাত মৃত্যু হৈছে ১০১ জনৰ। দেশত মুঠ মৃত্যুৰ সংখ্যা হৈছে ১ লক্ষ ৫৬ হাজাৰ ২১২।
