ষ্টাফ ৰিপ’ৰ্টাৰ
ডিফু : আজি বিয়লি বকলীয়াঘাটত সংঘটিত হোৱা এক ভয়ানক পথ দুৰ্ঘটনাত এগৰাকী ৮ বছৰীয়া শিশুকে ধৰি চাৰিজন লোক গুৰুতৰভাবে আহত হয় ৷ উল্লেখযোগ্য যে, আজি দিনৰ প্ৰায় ৩-৩০ বজাত ডকমকাৰ পৰা ডিফু অভিমুখে আহি থকা এএছ ০১ কিউ ১৫১৮ নম্বৰৰ মাৰুতি এল্ট ৮০০ খনে বকলীয়াঘাট পেট্ৰ’ল পাম্পৰ সমীপত নিয়ন্ত্ৰণ হেৰুৱাই ৩৬নং ৰাষ্ট্ৰীয় ঘাই পথৰ দাঁতিত থকা এজোপা সোণাৰু গছত প্ৰচণ্ড জোৰেৰে খুন্দা মাৰে ৷ দুৰ্ঘটনাটোত বাহনখনত থকা চাৰিজনকৈ লোক গুৰুতৰভাৱে জখম প্ৰাপ্ত হয় ৷
আহত লোককেইজন ক্ৰমে, চন্দ্ৰচিং তিচ’ (৬৫), এৰিণ তিমুঙপী(২৫), সান্তনা টকবিপী(৮), আৰু অজয় ৰংপি বুলি জানিব পৰা গৈছে ৷ আহত লোককেইজনক তাতালিকে স্থানীয় বকলীয়াঘাট চিকিৎসালয়ত ভৰ্তি কৰে ৷ ইয়াৰে আঘাত অতি গুৰুতৰ হোৱাত চন্দ্ৰ তিচ’ আৰু সান্তনা টকবিপী নামৰ শিশু গৰাকীক অতি সংকটজনক অৱস্থাত উন্নত চিকিৎসাৰ বাবে ডিফুলৈ প্ৰেৰণ কৰা হয় ৷
