নিউজ ডেস্কঃ
দ্বাদশ শ্ৰেণীৰ ফলাফল প্রকাশ কৰিবলৈ চিবিএছচি আৰু আইচিএছই বোর্ডৰ মূল্যায়ন পদ্ধতিক লৈ সন্তুষ্ট ছুপ্রিম কোর্ট। এই পদ্ধতি সন্দৰ্ভত সন্দেহ প্রকাশ কৰি আদালতৰ দ্বাৰস্থ হৈছিল উত্তৰ প্রদেশ অভিভাৱক এছোচিয়েচন। সোমবাৰে ছুপ্রিম কোর্টে দুই বোর্ডকেই আজিৰ ভিতৰত বিষয়টি সন্দৰ্ভত স্থিতি স্পষ্ট কৰিবলৈ কোৱা হৈছিল। উক্ত বিষয় সন্দৰ্ভত দুয়োখন বোৰ্ডে উত্তৰ দিলে শীর্ষ আদালতত। লগতে নাকচ কৰা হ’ল অভিভাৱকসকলৰ গোচৰ।
আদালতে জনায়, চিবিএছই আৰু আইচিএছই বোর্ডৰ মূল্যায়ন পদ্ধতিত মূৰ ঘমোৱাৰ কোনো প্রয়োজন নাই। আনহাতে, চিবিএছইয়ে জনাইছে যে কম্পার্টমেন্ট পৰীক্ষা ১৫ আগষ্টৰ পৰা ১৫ ছেপ্টেম্বৰৰ ভিতৰত আয়োজন কৰিবলৈ স্থিৰ কৰা হৈছে।
উল্লেখ্য, অতিমাৰিৰ ফলত এই বছৰ দশম আৰু দ্বাদশ শ্ৰেণীৰ পৰীক্ষা বাতিল হৈছে। সিদ্ধান্ত লোৱা হৈছিল যে দশম আৰু একাদশৰ ফলাফল চাই দ্বাদশৰ নম্বৰ দিয়া হ’ব। কিন্তু এই মূল্যায়ন ফর্মুলা মানি ল’ব পৰা নাছিল বহুতেই। তেওঁলোকৰ অভিযোগ, এই পদ্ধতিত ভুল আছে আৰু ছাত্র-ছাত্রীসকলৰ ভবিষ্যত আৰু উচ্চশিক্ষাৰ ক্ষেত্রত এই পদ্ধতিয়ে সমস্যাৰ সৃষ্টি কৰিব পাৰে। এএম খানউইলকৰ আৰু দীনেশ মহেশ্বৰীৰ বিশেষ বিচাৰপীঠে চিবিএছই আৰু আইচিএছই বোর্ডক নির্দেশ দিয়ে এদিনৰ ভিতৰত অভিভাৱকসকলক অসন্তুষ্টি আৰু আশঙ্কাৰ উত্তৰ দিবলৈ।
