নিউজ ডেস্কঃ
ডিব্ৰুগড়ত আজি সন্ধ্যা এক ভয়ংকৰ পথ দুৰ্ঘটনা সংঘটিত হয়। এখন তীব্ৰবেগী বলেৰ’ গাড়ীয়ে এখন বাইক উফৰাই নিয়াৰ লগতে দুখন ৰৈ থকা বাহনৰ বিস্তৰ ক্ষতিসাধন হয়। জানিব পৰা মতে চাবুৱা চক্ৰ বিষয়াৰ বলেৰ’ গাড়ীৰ পৰাই এই ভয়ানক দুৰ্ঘটনা সংঘটিত হয়। আজি সন্ধ্যা ডিব্ৰুগড় অসম চিকিৎসা মহাবিদ্যালয় সংযোগী সেউজপুৰ পথত সংঘটিত হয় এই ভয়ংকৰ দুৰ্ঘটনা। অসম চিকিৎসা মহাবিদ্যালয়ৰ সমীপৰ পৰা চাবুৱা ৰাজহ চক্ৰ বিষয়াৰ বলেৰ’ গাড়ীখনত তিনিগৰাকী যুৱকসহ তীব্ৰবেগত মেডিকেল সংযোগী পথৰে আহি থকা অৱস্থাত বিপৰীত দিশে আহি থকা এখন বাইকত (এ এচ ০৬ ইউ৬৭২৬) তীব্ৰ গতিত খুন্দা মৰাত
বাইকৰ আৰোহী কৰন গিল (২২)বহু দূৰৈত চিটিকি পৰাৰ লগতে বাইকখন উফৰি পথৰ কাষত ৰৈ থকা এখন ক্ৰেটা বাহনত খুন্দা মৰাত বাইখন চুৰ্চমৈ হৈ পৰাৰ লগতে ক্ৰেটা বাহনখনৰো সন্মুখভাগৰ ক্ষতিসাধন হয়।
আনহাতেদি চাবুৱা চক্ৰ বিষয়া শিল্পীশিখা ঠাকুৰীয়া সেই সময়ত নাছিল দুৰ্ঘটনা সংঘটিত কৰা চৰকাৰী বাহনখনত। যাৰ ফলত AS06W 0599 নম্বৰৰ চক্ৰ বিষয়াৰ বাহনখনৰ চালক দীপ শ্বাহ (২২) গুৰুতৰভাবে আহত হোৱাৰ লগতে আৰোহী হিচাপে থকা আন তিনিজন যুৱক ক্ৰমে অভিশেষ ৰাউত (২৫), কামাল খান (২৪) আৰু ৰূপম বৰুৱা (২১) গুৰুতৰভাবে আহত হয়।
আনহাতেদি তীব্ৰবেগী বলেৰ’ বাহনখনে নিয়ন্ত্ৰণ হেৰুৱাই পথৰ কাষত ৰৈ থকা আন এখন ৱেগনাৰ বাহনৰ পিছফালে খুন্দা মৰাত ৱেগনাৰ বাহনখন ভাঙি চূৰ্ণ-বিৰ্চূণ হৈ পৰে। ইফালে AS06U 6726 নম্বৰৰ মটৰচাইকেলৰ চালক তথা মেডিকেল কলেজ চৌহদৰ নিৱাসী কৰন গিলৰ অৱস্থা সংকতজনক বুলি জানিব পৰা গৈছে।
আনহাতে চক্ৰবিষয়াৰ গাড়ীখন নাম ফলক লগোৱাৰ ভাগতে কেনেদৰে চালকসহ উক্ত যুৱকৰ দলটোৱে লৈ গৈছিল। নে চক্ৰবিষয়াৰ অনুমতিতে নিছিলনে সেই লৈ ৰহস্যৰ সৃষ্টি কৰিছে। উচিত তদন্তৰ পাছতহে সমগ্ৰ ঘটনা পোহৰলৈ আহিব।
