ASSAM TIMES POST
ডিফুঃ ভাৰতীয় সেনাৰ সদভাৱনা আৰু মানৱ সেৱাৰ ধাৰাবাহিক প্ৰচেষ্টা হিচাপে আন্তৰ্জাতিক স্বাক্ষৰতা দিৱস উপলক্ষে সৰিয়হজান শান্তি নিকেতন ইংলিছ হাইস্কুলত সেনাৰ ৰেড হৰ্ণ ডিভিজনৰ উদ্যোগত ভাৰতত সাক্ষৰতাৰ প্ৰয়োজনতাৰ ওপৰত এক বক্তৃতা অনুষ্ঠান অনুষ্ঠিত কৰা হয় ৷
বিদ্যালয়খনৰ চেণ্ট্ৰেল লেকচাৰ হলত ১৬১ গৰাকী ছাত্ৰ-ছাত্ৰী অংশ গ্ৰহণ কৰে ৷ বক্তৃতা অনুষ্ঠানটিৰ মূল লক্ষ্য আছিল যুৱ প্ৰজন্মক লক্ষ্যত উপনীত হবলৈ অনুপ্ৰাণিত কৰা ৷
উক্ত অনুষ্ঠানত এক কুইজ প্ৰতিযোগিতা অনুষ্ঠিত কৰি বিজয়ী সকলক পুৰষ্কৃত কৰা হয় ৷ সেনা বাহিনীত যোগদান কৰিবলৈ অনুপ্ৰেৰণামূলক বক্তৃতাৰ ওপৰত আলোকপাত কৰা হয় ৷
কাৰ্যসূচী অনুষ্ঠিত কৰা সেনাৰ ৰেড হৰ্ণ ডিভিজনৰ ট্ৰুপে এই ক্ষেত্ৰত ছাত্ৰ-ছাত্ৰীৰ তৰফৰ পৰা ভাল সহাঁৰি লাভ কৰাৰ লগতে উঠি অহা প্ৰজন্মই দেশ সেৱাৰ বাবে সেনাত যোগদান কৰিব বুলি আশা ব্যক্ত কৰে ৷
