ষ্টাফ ৰিপ’ৰ্টাৰ
পশ্চিম কাৰ্বিআংলং : ভাৰতৰ প্ৰধানমন্ত্ৰী নৰেন্দ্ৰ মোদীৰ ৭১তম জন্মদিন উপলক্ষে সমগ্ৰ দেশৰ লগতে পাৰ্বত্য জিলা পশ্চিম কাৰ্বিআংলঙটো অনুষ্ঠিত কৰা হৈছে “সেৱা আৰু সমৰ্পণ অভিযান”। যোৱা ১৭ ছেপ্টেম্বৰ পৰা ৭ অক্টোবৰলৈকে ২০ দিনীয়া বৰ্ণাঢ্য কাৰ্যসূচীৰে পালন কৰি থকা দেশৰ প্ৰধানমন্ত্ৰীগৰাকীৰ জন্মদিনৰ কাৰ্যসূচীৰ অংশ হিচাপে আজি পশ্চিম কাৰ্বিআংলঙৰ টুম্প্ৰেঙত অনুষ্ঠিত হয় এক নাগৰিক সভা। টুম্প্ৰেঙস্থিত পশ্চিম কাৰ্বিআংলং জিলা বিজেপি কাৰ্যালয়ৰ সভাকক্ষত অনুষ্ঠিত হোৱা উক্ত নাগৰিক সভাত সভাপতিত্ব কৰে জিলা বিজেপিৰ সভাপতি ৰূদিপ ৰংহাঙে। ৰাজ্যিক বিজেপিৰ সম্পাদীকা তথা ডিমাহাচাওৰ বিধায়ীকা নন্দিতা গাৰ্লোচায়ে মুখ্য বক্তা হিচাপে অংশগ্ৰহণ কৰা লগতে ১নং দুৱাৰ আমলা পৰিষদীয় সমষ্টিৰ MAC প্ৰভাত চন্দ্ৰ তাৰ’, ৰীনা তেৰনপীও উপস্থিত থাকে। সভাত মুখ্য বক্তা হিচাপে উপস্থিত থাকি নন্দিতা গাৰ্লোচায়ে প্ৰধানমন্ত্ৰী নৰেন্দ্ৰ মোদীৰ জীৱনশৈলী তথা ৰাজনৈতিক জীৱনৰ ওপৰত বিশদ পৰ্য্যালোচনা আগবঢ়ায়।
আনহাতে MAC প্ৰভাত চন্দ্ৰ তাৰ’য়ে ভাষণত কয় যে, “প্ৰধানমন্ত্ৰীগৰাকীয়ে বিগত কাৰ্যকালত দেশবাসীৰ প্ৰতি যিবোৰ সিদ্ধান্ত লৈ যেনে ধৰণৰ সেৱা আগবঢ়াই আহিছে সেই আদৰ্শৰে আমি নাগৰিকসকলেও জনকল্যাণমূলক কামত আগবাঢ়ি যাব লাগিব।
