প্ৰধানমন্ত্ৰী নৰেন্দ্ৰ মোদীয়ে (PM Modi) মঙলবাৰে নতুন দিল্লীৰ চেণ্ট্ৰেল ভিষ্টাৰ সেৱা তীৰ্থত কেন্দ্ৰীয় চৰকাৰৰ বিভিন্ন মন্ত্ৰালয়ৰ সচিবসকলৰ সৈতে বৈঠকত মিলিত হয়। সংবাদ সংস্থা পিটিআয়ে প্ৰকাশ কৰা অনুসৰি, এই আলোচনা কেইটামান বিষয়তে সীমাবদ্ধ আছিল।
এই তালিকাত শাসন ব্যৱস্থাৰ সংস্কাৰ, প্ৰশাসনিক দক্ষতা বৃদ্ধি আৰু নাগৰিকৰ জীৱন ধাৰণৰ মানদণ্ড আৰু ব্যৱসায়িক পৰিৱেশৰ অধিক উন্নতিৰ লগতে আত্মনিৰ্ভৰশীলতাক প্ৰসাৰ কৰা আদি অন্তৰ্ভুক্ত আছিল।
প্ৰধানমন্ত্ৰীৰ সৈতে মত বিনিময়ৰ সময়ত সচিবসকলে ওপৰত উল্লেখ কৰা মূল বিষয় দুটাৰ সৈতে সংগতি ৰাখি তেওঁলোকৰ মন্ত্ৰালয় আৰু তেওঁলোকৰ অধীনত থকা বিভাগসমূহে গ্ৰহণ কৰা গুৰুত্বপূৰ্ণ পদক্ষেপসমূহৰ ৰূপৰেখা দাঙি ধৰে।
প্ৰধানমন্ত্ৰীৰ নিৰ্দেশ কাৰ্যকৰী কৰিবলৈ গ্ৰহণ কৰা বিভিন্ন কাৰ্যসূচীৰ অগ্ৰগতিৰ ওপৰতো আলোকপাত কৰে। ইয়াৰ সমান্তৰালকৈ চৰকাৰী বিভিন্ন পদক্ষেপ ৰূপায়ণৰ ক্ষেত্ৰত থকা সমস্যাৰ বিষয়ে আলোচনা কৰাৰ লগতে সুশাসন আৰু সেৱাৰ মান অধিক উন্নত কৰাৰ বাবে ভৱিষ্যতমুখী কৌশলো দাঙি ধৰে।
সচিবসকলৰ সৈতে অনুষ্ঠিত বৈঠকত প্ৰধানমন্ত্ৰী মোদীয়ে তেওঁলোকক এক বাৰ্তা প্ৰদান কৰি বিভিন্ন চৰকাৰী প্ৰকল্পই জনসাধাৰণৰ জীৱনত যি বাস্তৱিক আৰু দৃশ্যমান প্ৰভাৱ পেলাইছে তাৰ ওপৰত বিশেষ গুৰুত্ব আৰোপ কৰে।
তেওঁ আন্তঃবিভাগীয় সমন্বয় আৰু তথ্যভিত্তিক সিদ্ধান্ত গ্ৰহণৰ বাবে এক ফলপ্ৰসূ মঞ্চ হিচাপে প্ৰধানমন্ত্ৰীৰ দৃষ্টিভংগীৰ অধিক ব্যৱহাৰৰ ওপৰত গুৰুত্ব আৰোপ কৰে। মন্ত্ৰালয়ৰ ওপৰত ভিত্তি কৰি সংকীৰ্ণতা সম্পূৰ্ণৰূপে নাইকিয়া কৰাৰ কথাও তেওঁ কয়। সংসদৰ বৰ্ষাকালীন অধিৱেশনৰ পূৰ্বে প্ৰধানমন্ত্ৰী মোদীয়ে মন্ত্ৰীসভাৰ সালসলনি কৰিব পাৰে বুলি জল্পনা-কল্পনাৰ সৃষ্টি হৈছে।
তেনে পৰিস্থিতত প্ৰধানমন্ত্ৰীয়ে সচিবসকলৰ সৈতে অনুষ্ঠিত এই বৈঠকত সংস্কাৰৰ পদক্ষেপৰ এক বিস্তৃত ৰূপৰেখা দাঙি ধৰে। ২০৪৭ চনৰ ভিতৰত ভাৰতক উন্নত ৰাষ্ট্ৰ হিচাপে গঢ়ি তোলাৰ প্ৰতিশ্ৰুতি কাৰ্যকৰী কৰাৰ বাৰ্তাও প্ৰদান কৰে।
