ষ্টাফ ৰিপ’ৰ্টাৰ
ধেমাজিৰ আৱৰ্ত ভৱনত বৃহস্পতি বাৰে অনুষ্ঠিত হয় হিমন্ত চৰকাৰৰ গুৰুত্বপূৰ্ণ কেবিনেট বৈঠক। বৈঠকখনত গ্ৰহণ কৰাৰ হৈছে বহুকেইটা সিদ্ধান্ত। দিছপুৰ বাহিৰত অনুষ্ঠিত হিমন্ত চৰকাৰৰ প্ৰথম কেবিনেটত নগাঁও আৰু কাছাৰ কাগজ কলৰ কৰ্মচাৰীলৈ সৰ্বমুঠ ৭০০ কোটি টকা অনুমোদন। উল্লেখ্য যে ৫৭০ কোটি টকা কৰ্মচাৰী বাবে নিৰ্ধাৰিত প্ৰাপ্য।
মাইক্ৰফাইনেন্সৰ ঋণৰ কিস্তি নিয়মিতভাৱে পৰিশোধ কৰি থকা মহিলাক ২৫ হাজাৰ টকা সাহায্য প্ৰদানৰ বাবে ১৮০০ কোটি টকা অনুমোদন কেবিনেটৰ। পহিলা ডিচেম্বৰৰ পৰা প্ৰদান কৰিব চেক।
ধেমাজি জিলা উপায়ুক্ত কাৰ্যালয় আৰু অন্যান্য বিভাগৰ কাৰ্যালয়ক সামৰি সংঘবদ্ধ উপায়ুক্ত কাৰ্যালয় স্থাপন বাবে ৫০ কোটি অনুমোদন।
ধেমাজি জিলাত উচ্চমানৰ ক্ৰীড়া প্ৰকল্প ষ্টেডিয়াম নিৰ্মাণৰ বাবে ৫০ কোটি অনুমোদন কেবিনেটৰ।
ধেমাজি-মাজুলী সংযোগী মথাউৰীৰ ওপৰেদি জোনাইৰ পৰা ধেমাজি, ঢকুৱাখনাৰে মাজুলীলৈ ৪টা সমষ্টি সামৰি ৫মিটাৰ ব্যাসৰ পকী পথৰ বাবে ১৮৩ কোটি টকা অনুমোদন। ধেমাজিত ১৫কোটি, জোনাইত ৩৪কোটি, মাজুলীত ২১কোটি আৰু ঢকুৱাখনাত ১০৮কোটি টকা ব্যয় হ’ব।
একেদৰে ধেমাজি জিলাৰ বান নিয়ন্ত্ৰণ বাবে ১৫০ কোটি টকা অনুমোদন। লগতে চিকিৎসা মহাবিদ্যালয় নিৰ্মাণৰ বাবে ১০০ বিঘা মাটি অধিগ্ৰহণ কৰাৰ সন্মতি।
ধেমাজি জিলাৰ অন্তৰ্গত মুকং চেলেক-জোনাই ট্ৰাইবেল বেল্ট এণ্ড ব্লকৰ অন্তৰ্গত ভূমিসমূহত ২০১ চনৰ পূৰ্ব পৰা বসবাস কৰি থকা আহোম, কোঁচ, চুতীয়া আৰু গোর্খা সম্প্ৰদায়ৰ লোকসকলেও কিনা-বেচা কৰিব পাৰিব। লগতে ঢকুৱাখনা চাৰিকলিয়া ট্ৰাইবেল বেল্ট এণ্ড ব্লক এতিয়াৰে পৰা ট্ৰাইবেল বেল্ট এণ্ড ব্লক হিচাপে নাথাকিব। ৮৯খন ৰাজহ গাঁৱক সামৰি চিচি টঙনী ট্ৰাইবেল বেল্ট নামেৰে নতুন ব্লক গঠন কৰিব।
আনহাতে, ডিব্ৰুগড় আৰু শিলচৰ পৌৰসভা এতিয়া পৰা পৌৰ নিগম লৈ উন্নীতকৰণত অনুমতি।
