নিউজ ডেস্কঃ
মহাৰাষ্ট্রৰ বীড় জিলাত প্রায় ২৫০ কুকুৰৰ পোৱালিক ওপৰৰ পৰা পেলাই হত্যা কৰাৰ অভিযোগ উঠিছিল এদল বান্দৰৰ বিৰুদ্ধে। গাঁওবাসীৰ দাবি আছিল, কুকুৰৰ দলৰ হাতত সন্তানৰ মৃত্যুৰ প্রতিশোধ ল’বলৈয়েই এনে ধৰণৰ কাণ্ড ঘটাইছে বান্দৰৰ জাকটোৱে। সেই ঘটনাত অৱশেষত দুটি বান্দৰক ধৰিবলৈ সক্ষম হৈছে বন বিভাগ। সংবাদ সংস্থা এএনআই জনাইছে এই কথা।
বান্দৰক আটক কৰা সন্দৰ্ভত বন বিভাগৰ বিষয়াই কয়, ‘‘বীড় জিলাত কুকুৰ হত্যাৰ ঘটনাত জড়িত দুই বান্দৰক ধৰা হৈছে। নাগপুৰৰ বন বিভাগৰ দলে ধৰিছে বান্দৰ দুটা।’’ ধৃত দুই বান্দৰক নাগপুৰৰ ওচৰৰ এখন হাবিত এৰি দিয়া হৈছে বুলিও তেওঁ জনাইছে।
