নিউজ ডেস্কঃ
তিনিচুকীয়াৰ ছয়জন কোভিড-পজিটিভ ৰোগী ওমিক্ৰন ভাইৰাছৰ দ্বাৰা সংক্ৰমিত হোৱাৰ সন্দেহ কৰা হৈছে।
ব্যক্তিকেইজনৰ নমুনা সম্পূৰ্ণ জিনম অনুক্ৰম আৰু অধিক পৰীক্ষাৰ বাবে নৰ্থ ইষ্ট ইনষ্টিটিউট অৱ চাইন্স এণ্ড টেকন’লজী, যোৰহাটলৈ প্ৰেৰণ কৰা হৈছে।
সূত্ৰ মতে, সংক্ৰমিত ব্যক্তিসকলৰ মাজৰ এজন ৫৭ বছৰীয়া পুৰুষ এসপ্তাহমান আগতে নাইজেৰিয়াৰ লাগোছৰ পৰা উভতি আহিছিল।
পৰীক্ষাৰ বাবে তেওঁৰ পৰিয়াল আৰু এগৰাকী পৰিচাৰিকাৰ নমুনা লোৱা হৈছিল। ব্যক্তিজনে কোভিড টীকাৰ দুটা পালি লৈছে আৰু তেওঁৰ নমুনা ১৭ ডিচেম্বৰত সংগ্ৰহ কৰা হৈছিল।
তিনিচুকীয়াৰ উপায়ুক্ত নৰ্ছিং পাৱাৰ সম্ভাজীৰ মতে, নমুনাবোৰ সম্পূৰ্ণ জিনম অনুক্ৰম আৰু অধিক পৰীক্ষাৰ বাবে প্ৰেৰণ কৰা হৈছে। সম্পূৰ্ণ জিনম অনুক্ৰমৰ প্ৰতিবেদন পোৱাৰ পিছত সঠিক স্থিতি জানিব পৰা যাব।
