নিউজ ডেস্কঃ
বিগত ২৪ ঘণ্টাত দেশত কৰোনাত আক্রান্ত হৈছে ১ লক্ষ ৭২ হাজাৰ ৪৩৩ জন। যিটো বুধবাৰৰ তুলনাত ৬.৮ শতাংশ বেছি। আনহাতে, বিগত ২৪ ঘণ্টাত দেশত সংক্রমণৰ হাৰ ১০.৯৯ শতাংশ।
কেন্দ্রীয় স্বাস্থ্য মন্ত্রালয়ৰ তথ্য মতে, বিগত ২৪ ঘণ্টাত সুস্থ হৈছে ২ লক্ষ ৫৯ হাজাৰ ১০৭ জন। ইয়াৰ ফলত দেশত মুঠ ৩ কোটি ৯৭ লক্ষ ৭০ হাজাৰ ৪১৪ জন কৰোনাৰ পৰা সুস্থ হৈছে। দেশত বিগত ২৪ ঘণ্টাত ১৫ লক্ষ ৬৯ হাজাৰ ৪৪৯টা নমুনা পৰীক্ষা কৰা হৈছে। ইয়াকে লৈ দেশত মুঠ ৭৩ কোটি ৪১ লক্ষ নমুনা পৰীক্ষা হ’ল।
আনহাতে, দেশত বিগত ২৪ ঘণ্টাত ১ হাজাৰ ৮ জনৰ মৃত্যু হৈছে কৰোনাত। ইয়াৰ ফলত দেশত কৰোনাত মুঠ মৃত্যুৰ সংখ্যা হ’ল ৪ লক্ষ ৯৮ হাজাৰ ৯৮৩। সৰ্বাধিক মৃত্যু হৈছে কেৰালাত। বিগত ২৪ ঘণ্টাত ৰাজ্যখনত ১৬৫ জনৰ মৃত্যু হৈছে।
