নিউজ ডেস্কঃ
মুম্বাইৰ ব্রীচ কেণ্ডি হস্পিটেলত মাল্টিপল অৰ্গেন ফেইলিউৰৰ সৈতে যুঁজি যুঁজি পথিৱীৰ তেওঁ পৰা বিদায় ল’লে সুৰ সম্ৰাজ্ঞী লতা মংগেশকাৰে। তেওঁৰ মৃত্যুৰ ঘটনা প্রকাশ্যে অহাৰ পিছৰ পৰাই তেওঁৰ ভক্তসকলে ক্রমাগত গুগলত ছার্চ (Google Search) কৰিছে তেওঁৰ ঘৰৰ পৰা মৃত্যুৰ কাৰণ আৰু বহু বিষয়।
দেওবাৰে পুৱাৰে পৰা গুগল ব্যৱহাৰকাৰীসকলে লতা সম্পৰ্কীয় বহু বিষয় ছার্চ কৰিছে। গুগল ছার্চৰ তালিকাত তেওঁৰ বয়স শীর্ষত। বয়স ছার্চৰ ক্ষেত্রত, উত্তৰাখণ্ড সকলোতকৈ আগত আৰু দ্বিতীয় স্থানত আছে মহাৰাষ্ট্র। লতা মঙ্গেশকাৰৰ বিষয়ত গুগলত কি কি ছার্চ কৰা হৈছে সেয়া এবাৰ জানো আহক-
‘প্রভুকুঞ্জ’
লতা মঙ্গেশকাৰৰ বাসভৱন ‘প্রভুকুঞ্জ’ ছার্চ কৰিছে গুগল ব্যৱহাৰকাৰীসকলে। ছার্চৰ ক্ষেত্রত মুম্বাইৰ লোকসকল সকলোতকৈ আগত আৰু পুনেৰ লোকসকল দ্বিতীয় স্থানত আছে। উল্লেখ্য, লতা মঙ্গেশকাৰৰ মৃতদেহ তেওঁৰ পেডাৰ ৰোডৰ বাসভৱন ‘প্রভুকুঞ্জ’লৈ লৈ যোৱা হৈছিল। দেওবাৰে সন্ধিয়া শিৱাজী পার্কত তেওঁৰ শেষকৃত্য সম্পন্ন হয়।
লতাৰ সৰুকালিৰ ফটো
যৌৱনত দেখিবলৈ কেনে আছিল লতা? একই বিষয় ছার্চৰ তৃতীয় স্থানত অন্তর্ভুক্ত কৰা হৈছে। আশ্চর্যৰ বিষয় হ’ল, উত্তৰ প্রদেশৰ লোকসকলে এই বিষয়ত বেছি ছার্চ কৰিছে।
RIP লিখা লতাৰ ফটো
মৃত্যুৰ খবৰ প্রকাশ হোৱাৰ পিছত ব্যৱহাৰকাৰীসকলে ষ্টেটাছ আৰু ছচিয়েল মিডিয়া পোষ্টৰ বাবে গুগলত লতা মঙ্গেশকাৰৰ RIP মানে ‘Rest In Peace’ লিখা ফটো ছাৰ্চ কৰিছে। এই বিষয়ত ছার্চত ছত্তিশগড়ৰ লোকসকল সকলোতকৈ আগত আৰু ঝাড়খণ্ড দ্বিতীয়ত।
লতাৰ ঘৰৰ ঠিকনা
গুগল ট্ৰেণ্ডত লতাৰ ঘৰ সম্পর্কে জনাৰ লগতে ঘৰৰ ঠিকনাও জানিব বিচাৰিছে। মুম্বাইৰ মানুহে তেওঁক শ্রদ্ধা জনাবলৈ তেওঁৰ ঘৰৰ ঠিকনাৰ সন্ধান কৰিছে।
লতাৰ কন্যা আৰু স্বামীৰ ফটো
অবিবাহিত আছিল সুৰ সম্রাজ্ঞী লতা মঙ্গেশকাৰ। তৎসত্ত্বেও তেওঁৰ স্বামী আৰু কন্যাৰ ফটো গুগলত ছার্চ কৰা হৈছে। তেওঁ কিয় বিয়া কৰোৱা নাছিল, ২০১১ চনত তেওঁৰ জন্মদিনত দিয়া এক সাক্ষাৎকাৰত অৱশ্যে তেওঁ নিজেই তাৰ কাৰণ জনাইছিল।
সৌগন্ধ মেৰে ইয়ে মিট্টি কী
গুগল ট্রেণ্ডছ ৰিপোর্ট মতে লতা মঙ্গেশকাৰৰ অন্তিম গান ‘সৌগন্ধ মুঝে ইয়ে মিট্টি কী’ও ছার্চ কৰিছে। তেওঁ এই গানটো ২০১৯ চনৰ ৩০ মার্চত ৰেকর্ড কৰিছিল, যিটো দেশৰ সৈন্যসকলৰ বাবে উৎসৰ্গা কৰা হৈছিল।
