নিউজ ডেস্কঃ
আফগানিস্তানৰ ড্ৰাগছ নিৰাময় কেন্দ্রত মানুহৰ মাংস ভক্ষণ কৰিছে ৰোগীসকলে! সম্প্রতি ডেনমার্কৰ এজন সাংবাদিকে এই দাবী কৰিছে।
ডেইলি মেইলৰ এক প্রতিবেদন অনুযায়ী, বিগত মাহত ডেনমার্কৰ সাংবাদিকজনে নিৰাময় কেন্দ্রৰ পৰা মুক্তি পোৱা এজন ব্যক্তিৰ সৈতে কথা পাতে। ব্যক্তিজনৰ দাবী, তালিবান পৰিচালিত উক্ত নিৰাময় কেন্দ্ৰত ভিতৰৰ পৰিবেশ ভয়ঙ্কৰ।
সঠিকভাৱে খাবলৈ দিয়া নহয় ৰোগীসকলক। বেছিভাগ দিনতেই তেওঁলোক ভোকাতুৰ অৱস্থাত থাকিবলগা হয়। ৰোগীসকলৰ স্বাস্থ্যৰ কোনো গুৰুত্ব ৰখা নহয়। খাদ্য, সঠিক চিকিৎসা নাপাই বহুতৰে মৃত্যু হৈছে। আব্দুল নামৰ ৰোগীজনৰ দাবী, নিৰাময় কেন্দ্রৰ পৰিস্থিতি দিনে দিনে অধিক শোচনীয় হৈছে। খাবলৈ নাপায় ক্রমশ হিংস্র হৈ উঠিছে ৰোগীসকল।
আব্দুলৰ দাবী, সম্প্রতি এজন ব্যক্তিক হত্যা কৰি তেওঁৰ মাংস খাইছে কেইবাজনে মিলি। আনকি উক্ত কেন্দ্রটোৰ ভিতৰত থকা এখন পার্কত এটা মেকুৰী ধৰি তাৰ কেঁচা মাংস পর্যন্ত হেনো খাইছে ৰোগীসকলে।
