নিউজ ডেস্কঃ
চলিত মহিলা এদিনীয়া বিশ্বকাপত এক অনন্য ৰেকৰ্ড গঢ়ে ভাৰতীয় দলৰ পেছাৰ ঝুলন গোস্বামীয়ে। এদিনীয়া ক্রিকেটত ২৫০টা উইকেট দখল কৰিলে ঝুলন গোস্বামীয়ে। মহিলা ক্রিকেটৰ এদিনীয়া ক্ৰিকেটত ২ শতাধিক উইকেট লোৱা তেৱেঁই হৈছে একমাত্র বলাৰ।
বুধবাৰৰ মেচত মুঠ ৭ অ’ভাৰত ২১ ৰান দি ১টা উইকেট দখল কৰে তেওঁ। তাৰ লগে লগে এদিনীয়া ক্রিকেটত ২৫০ উইকেটৰ গৰাকী হয় ঝুলন। ১৯৯ মেচত এই কীর্তিত্ব গঢ়ে ৩৯ বছৰীয়া পেছাৰগৰাকীয়ে।
আনহাতে, এই তালিকাৰ দ্বিতীয় স্থানত আছে ১৮০টা উইকেটেৰে অষ্ট্ৰেলিয়াৰ কেথৰিন ফিৎজপ্যাট্রিক। তৃতীয় স্থানৰ ৱেষ্ট ইণ্ডিজৰ আনিছা মহম্মদৰো ১৮০টা উইকেট যদিও তেওঁ বেছি সংখ্যক মেচ খেলি সিমান পৰিমাণৰ উইকেট লোৱা বাবে তিনি নম্বৰ স্থানত আছে।
