নিউজ ডেস্কঃ
সাম্প্রতিক সময়ৰ অন্যতম চর্চিত ছবিখন হৈছে পৰিচালক বিবেক অগ্নিহোত্রীৰ ‘দ্য কাশ্মীৰ ফাইলছ’। ১৯৯০ চনত কাশ্মীৰত কাশ্মীৰী পণ্ডিতসকলৰ দুর্দশাৰ কাহিনী প্ৰকাশ কৰা হৈছে ছবিখনত। ছবিখন চাই ভূয়সী প্রশংসা কৰিছে প্রধানমন্ত্রী নৰেন্দ্র মোদীকে ধৰি বিজেপি নেতাসকলে। ছবিখনৰ প্রচাৰৰ বাবে পূৰ্বতেই নামিছিল অভিনেত্রী কংগনা ৰানাৱাট। ছবিখন চোৱাৰ পিছতেই ‘বছৰৰ অন্যতম সফল ছবি’ বুলিও দাবী কৰে তেওঁ। এইবাৰ অভিনেতাসকলৰ প্ৰদৰ্শনক লৈ মতামত ব্যক্ত কৰিলে কংগনাই। ছবিখনত অনুপম খেৰৰ অভিনয় চাই ‘জকাৰ’ৰ সৈতে তুলনা কৰিলে অভিনেত্রীগৰাকীয়ে।
ইনষ্টাগ্রামৰ ষ্টৰিত ‘দ্য কাশ্মীৰ ফাইলছ’ সন্দৰ্ভত আৰু এটি বিশেষ পোষ্ট কৰিছে কঙ্গনাই। তাত অনুপম খেৰৰ সৈতে হলিউড অভিনেতা হিথ লেচাৰৰ তুলনা কৰিছে তেওঁ। হিথৰ কালজয়ী চৰিত্র ‘জকাৰ’ৰ ছবি আৰু ‘কাশ্মীৰ ফাইলছ’ত অনুপমৰ ছবিৰ ক’লাজ শ্বেয়াৰ কৰি অভিনেত্রীগৰাকীয়ে লিখিছে, ‘চহৰত নতুন ব্লকবাষ্টাৰ হিৰো। তেওঁ আকৌ অভিনয়ও কৰিব পাৰে।’ উল্লেখ্য, ‘কাশ্মীৰ ফাইলছ’ মুক্তি পোৱাৰ পিছত কৰণ জোহৰ, সঞ্জয় লীলা বনছালিৰ দৰে পৰিচালকসকলক তীব্র কটাক্ষ কৰিছিল তেওঁ।
