ASSAM TIMES POST
ছাইদুল ইছলাম, ডিফুঃ শাৰদীয় দুৰ্গা পূজাৰ আনন্দ আৰু উল্লাসৰ মাজতে ডিফুত শশুৰেকে দাৰে ঘপিয়াই প্ৰাণ ললে আপোন পুত্ৰ বোৱাৰীৰ৷
প্ৰাপ্ত খবৰ অনুসৰি ডিফু থানা এলেকাৰ বাঘমাৰীৰৰ ৰংচিক্লামত বিয়লি দুই মান বজাত পুত্ৰ ঘৰত নথকা অৱস্থাত মদাহী শশুৰ মনোৰঞ্জন মালাকাৰে পুত্ৰ বোৱাৰী মামনি বৰা (১৯) ৰ সৈতে কাজিয়াত লিপ্ত হৈ অৱশেষত বোৱাৰী মামনি বৰাক দাৰে ডিঙিত ঘপিয়াই আহত কৰে৷
ৰক্তাক্ত অৱস্থাত বোৱাৰী মামনি চোতালত পৰি থাকে৷ পিছত মামনি বৰাৰ স্বামীয়ে খবৰ লাভ কৰি ঘৰত আহি পত্নীৰ ৰক্তাক্ত অৱস্থাত উদ্ধাৰ কৰি ডিফু চিভিল হাস্পাতাললৈ আনে যদিও বাটতে প্ৰাণ ত্যাগ কৰে মামনি বৰাই৷
হত্যা কৰিয়েই হত্যাকাৰী পলাই যাবলৈ সক্ষম হয়৷ নিহত মামনি বৰাৰ স্বামী সজল মালাকাৰে জনোৱা মতে বোৱাৰী আৰু শশুৰৰ মাজত প্ৰায়েই সৰু সুৰা কাজিয়া সংঘটিত হৈ থাকে৷
আজি শশুৰ আৰু বোৱাৰীৰ মাজত হৈ থকা কাজিয়াৰ সময়ত ৰুগীয়া শাশু আৰু ননদ ঘৰতে আছিল যদিও হত্যকাৰী মনোৰঞ্জন মালাকাৰক বাধা দিও ব্যৰ্থ হৈছিল বুলি সাংবাদিকৰ আগত জানিবলৈ দিয়ে৷
